2 Timoteo 2:10 - Maung A Balita Biblia

¹⁰ Lapud saya itetepel koy amin a bengatla, makasengeg ed saray pinilin totooy Dios, pian nagamuran da met komun so kilalaban a walad Cristo Jesus tan say andi-anggaan a kagalangan.

Maung a Balita Biblia

¹⁰ Lapud saya itetepel koy amin a bengatla, makasengeg ed saray pinilin totooy Dios, pian nagamuran da met komun so kilalaban a walad Cristo Jesus tan say andi-anggaan a kagalangan.

2 Timoteo 2:10 Referans Kwoze

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

2 Timoteo 2:3

Minabang kad kairapan a nepeg a gawaen na matoor a sondalo nen Cristo Jesus.

2 CORINTO 1:6

No manirap kami, sikatoy pakaligliwaan tan pakailabanan yo; no naligliwa kami, naligliwa kayo met tan ombiskeg kayo, pian naanosan yon sakbaten so kairapan a liliknaen yo, a singa liliknaen mi.

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

1 Pedro 2:10

Nen saman, aliwa kayon totooy Dios, balet natan totoo to ki la. Ag yo ni naawat so panangasi na Dios nen saman, balet natan naawat yo la.

1 TESALONICA 5:9

Ta say Dios ag to itayo ingganan nadusa, no ag ingen nilaban, diad panamegley na Katawan tayon Jesu-Cristo,

COLOSAS 1:27

Nilabay na Dios ya ipaamtad saray totoo to yan mayaman tan makapakelaw a niamut a katwaan para amin a katoowan. Say niamut a katwaan saya: walad sikayoy Cristo a kawalaay ilalo yon makapinabang ed kagalangay Dios.

TAGA-EFESO 3:13

Kanyan kekerewen kod sikayon ag yo pakakapoyey linawa yo lapud paniirap kon para sikayo, ta pankaabigan yo met lamlamang ya.

2 CORINTO 4:15

Pankaabigan yo ra yan amin a nagagawa, tan diad ikakayat na panangasiy Dios ed saray totoo, ondakel so iter dan pisasalamat a pakagalangan na Dios.

1 CORINTO 9:22

No kaibak iray makapoy, mampapakapoy ak met a singa sikara, pian natanggoyur ko ra. Mipapara ak ed amin a totoo diad amin a kipapasen da, pian nilaban ko ray arum ed sikara diad anggan anton pamaakaran.

Saray Taga Roma 9:23

Ginawa to ya met a pangipanengneng toy ag miparan kagalangan to diad saray totoon kinasian to, saray imparaan to la ra nen saman a mangawat na kagalangan.

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Juan 17:24

“Ama! Labay kon nakaiba ed kawalaan ko ray inter mod siak, pian nanengneng day kagalangan ya inter mod siak, ta inaro mo ak kasakbayan ya apalsay mundo.

Juan 17:9

“Pikakasik ira. Ag ko pikakasiy sankamundoan, no ag ingen saray totoon inter mod siak, ta kayaryan mo ra.

Juan 11:52

Aliwa labat a para saray Judio, no ag ingen pian pankakasakeyen to ray akaykayat ya anak na Dios.)

Mateo 24:31

Ontanul so baleg a trumpita, tan ibaki tod apatiran suyok na mundo ray anghil to tan, manlapud amin a pasey mundo, tiponen da ray totoon piniliy Dios.”

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Mateo 24:22

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Probirbio 8:35

Say toon makalmod siak narurumog toy bilay, tan manliket so Katawan ed sikato.

2 TESALONICA 2:14

Say Dios so anawag ed sikayod saya, diad panamegley na Maung a Balitan impulong mid sikayo. Tinawag to kayo a minabang ed kagalangay Katawan tayon Jesu-Cristo.

Lucas 18:7

Say Dios balet ey? Ag to kasi iter so kanepegan da ray dilin totoo to ya agew-labin mikasi? Ag to ra kasi tulongan a tampol?

1 CORINTO 1:21

Ta lapud kakabatay Dios, ag to inyabuloy a sikatoy nakabatay too diad panamegley na kakabatan na sankamundoan. Ingen nilabay ton ilaban iray totoon manisia diad panamegley na ipupulong min Maung a Balita ya ipapasen ya andi-kakanaan na sankamundoan.

2 CORINTO 12:15

Maliket ak a mangiter na amin a kayaryan ko, anggan say bilay ko, no onkanad pankaabigan yo. Melag labat so pangaro yod siak, anta inararo ta kayo?

2 Timoteo 1:1

Sayan sulat nanlapud kinen Pablo ya apostol nen Cristo Jesus onung ed linaway Dios tan nibakin mangipulong na insipan a bilay a nagamuran tayo diad pikakasakey ed Cristo Jesus—

2 Timoteo 2:1

Sika, anak kon Timoteo, mampabiskeg kad panamegley na panangasin agamuran tayo diad pikakasakey ed Cristo Jesus.

Tito 1:1

Sayan sulat nanlapud kinen Pablo ya aripen na Dios tan apostol nen Jesu-Cristo. Nibaki ak a mamabiskeg ed pananisia da ray totoon pinili na Dios tan mangiwanwan ed sikara ed katwaan ya ontokuy ed kasantosan,

Lucas 22:57

Balet imbori nen Pedro. Inkuanto ni ingen, “Andi pa, ag ko kabat itan a too!”