2 TESALONICA 3:16 - Maung A Balita Biblia

¹⁶ Say Katawan a dili a sobul na kareenan et itdan to kayo komuy kareenan diad amin a panaon tan diad amin a pamaakaran. Walad sikayon amin komuy Katawan.

Maung a Balita Biblia

¹⁶ Say Katawan a dili a sobul na kareenan et itdan to kayo komuy kareenan diad amin a panaon tan diad amin a pamaakaran. Walad sikayon amin komuy Katawan.

2 TESALONICA 3:16 Referans Kwoze

Saray Salmo 29:11

Pabibiskegen na Katawan iray totoo to, tan bibindisionan to ra na kareenan.

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Saray Taga Roma 15:33

Walad sikayon amin komuy Dios a panlalapway kareenan tayo. Amen.

Saray Taga Roma 16:20

Say Dios a panlalapway kareenan tayo et magano lan pagatin-gatinan toy Satanas ed sikayo. Talimaen kayo komun nen Jesus a Katawan tayo.

Saray Huis 6:24

Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

1 TESALONICA 5:23

Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yo—say ispiritu, kamarerwa, tan say laman yo—anggad isabiy Katawan tayon Jesu-Cristo.

2 Timoteo 4:22

Niwala komun ed ispiritum so Katawan. Nawalaan kayo komuy bindision na Dios.

Saray Taga Roma 1:7

Kanyan susulaten ta kayo, amin yon wadtad Roma ya inararoy Dios tan tinawag ton magmaliw a totoo to: Itdan kayo komun na Dios ya Ama tayo tan say Katawan tayo a Jesu-Cristo na bindision tan kareenan.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Zacarias 6:13

Sikato so mangipaalagey ed Timplo tan awaten to so kagalangan na sakey ya ari tan oleyan to ray totoo to. Manalagey ed abay na trono to so sakey a pari tan mankimey iran dua a mareen tan maliket.’

Saray Bilang 6:26

Imanoen kayo komun na Katawan tan itdan to kayoy kareenan.

Filemon 1:25

Nawalaan kayon amin komuy bindision na Katawan a Jesu-Cristo.

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

1 Samuel 17:37

Say Katawan inyagel to ak ed saray lion tan saray uso; iyagel to ak met ed saman a Filisteo.” Inmebat si Saul, “Sigi, laka, tan say Katawan wala komud sika.”

Ruth 2:4

Ag abayag sinmabiy Booz a nanlapud Betlehem. Inlugay nen Booz iray manaani, “Wala komun ed sikayo so Katawan!” Inmebat ira may manaani, “Bindisionan ka komun na Katawan!”

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

Saray Hebreo 7:2

Inter nen Abraham ed sikato so kakaplo na amin a sinamsam to. (Say ononan kabaliksay ngaran nen Melkisedek et “Ari na Katonungan.” Lapud ari met na Salem, say labay met ya ibagay ngaran to et “Ari na Kareenan.”)

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

1 CORINTO 14:33

Ta say Dios aliwan Dios na golo, no ag ingen Dios na kareenan. Onung na nepeg a nagawad amin da ray iglisia na totooy Dios,

Isaias 66:12

Say Katawan kuanto, “Iyakar kod sikayoy ag manganggan aligwas; saray kayamanan na saray bansa onagos irad sikayo a singa sakey ya ilog ya ag balut naekatan. Magmaliw kayon singa sakey ya ogaw ya aasikasoen na ina to, aampopoen to, tan aaroen to.

Isaias 54:10

Nayarin nakusbo ray kapalandeyan tan saray kapokdulan, balet ag manganggay panangarok ed sika; Ando lan andon sumpalen koy sipan kon mangiter na kareenan.” Saya sirin so ibabaga na Katawan a mangaarod sika.

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Isaias 26:12

Sika, O Katawan, so mamaaligwas na bilay mi; sikay makankimey ed amin da ray gagawaen mi.

Saray Salmo 72:7

Ombolaslas komuy katonungan anggad mambibilay ni so ari, tan manari komuy kareenan, anggad onliliwawa ni so bulan.

Saray Salmo 72:3

Onaligwas komuy dalin; manari komuy katonungan.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

2 TESALONICA 3:18

Nawalaan kayon amin komuy bindisioy Katawan tayon Jesu-Cristo.

Aggeo 2:9

Magmaliw a marakep ni so balon Timplo nen say samay daan, tan itdan ko na aligwas tan kareenan iray totoo.” Say Katawan a Makapanyarin-amin so nansalita.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

1 Samuel 20:13

No getma to ka nin pasakitan, pateyen ak komun na Katawan no ag ko paipakabat ed sika, pian nibatikan moy kaatapan. Wala komud sikay Katawan a singa inkiwala to nen saman ed kinen amak!

TAGA-EFESO 6:23

Say kareenan tan aro a katekep na pananisia so iter komuy Dios Ama tan Katawan a Jesu-Cristo ed saray agagi.

1 TESALONICA 3:11

Iyabuloy komuy Dios tan Ama tayo tan say Katawan tin Jesus, a makaonla kamid tan.