2 TESALONICA 3:14 - Maung A Balita Biblia

¹⁴ No wala bilang so ag mangonur ed saray ibabaga mid sayan sulat, tandaan yo tan ag yo pipiolupan, pian ombaing.

Maung a Balita Biblia

¹⁴ No wala bilang so ag mangonur ed saray ibabaga mid sayan sulat, tandaan yo tan ag yo pipiolupan, pian ombaing.

2 TESALONICA 3:14 Referans Kwoze

Tito 3:10

Ipolisay moy toon panlalapway pansisian, kasumpal mon banoen a mamidwa.

1 CORINTO 5:11

Say labay kon ibaga, ag yo pipiolupan so toon ipapasen toy sikaton dili a Cristiano, balet manggagaway inmoralidad, maagom, manangigalang ed saray talintaoy diriyos, managpabaing, buanges, odino matakew. Ag kayo anggan mirorongod satan a klasiy too.

2 TESALONICA 3:6

Agagi, diad ngaray Katawan a Jesu-Cristo igaganggan mi kayo ya arawian yo ray mangingiras, saray ag mangoonur ed saray bangat mid sikayo.

Saray Salmo 83:16

Katawan, sakbungan mo pa na kababaingan so kalupaan da, tan ipabirbir mod sikaray pakayarim.

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.

Probirbio 5:13

Ag ak dinmengel ed saray bumabangat ko. Ag ko ra inasikaso.

Filemon 1:21

Ag ko panduaruwaan, legan kon isusulat ya, a gawaen mo ray kekerewen kod sika, tan amtak a pasolukan mo ni ingen.

2 CORINTO 10:6

No nagnap lay inkatoor yo, akaparaan kami lad satan a manusad anggad anton panagsumlang.

2 CORINTO 2:9

Say sakey nin makasengeg no akin et sinulat ta kayo, say panubok kod sikayo tan say pangamtak no oonuren yo ray amin a bangabangat ko.

1 CORINTO 5:9

Imbagak ed samay sulat ko ya ag kayo mimiolup ed saray totoon manggagaway inmoralidad.

Saray Taga Roma 16:17

Kerewen kod sikayo, agagi, alwaran yo ray manangigapoy pansisian da ray kabyangay iglisia, a dederalen day pananisiay totoo tan susumlangen day bangat ya inawat yo. Paliisan yo ra.

Sofonias 3:2

Ag to dinmengel ed Katawan odino inawat so panametek to. Ag nanmatalek ed Katawan odino kinmerew na tulong to.

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Mateo 18:17

No ag to ni ra dengelen, idalem mo lad iglisia. No ag to ni dengeley pati iglisia, ipasen mon sakey a Hintil o sakey a sumisingil na buis.”

Deuteronomio 16:12

Pampelengan yon onuren ira yan ganggan; ag yo lilingwanan ya aripen kayo met nen saman ed Egipto.

Saray Hebreo 13:17

Toluk kayod saray pangulo yo tan sumpal yo ray ganggan da. Aasikasoen da ray kamarerwa yo, ta ebatan dad Dios yan panlilingkur dad sikayo. No onuren yo ra, maliket iran manumpal na kanepegan da; no andi, maermen iran manumpal, tan anggapoy kamaungan a niiter to yad sikayo.

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

2 CORINTO 7:15

Diad panagnunot tod inkatoluk yo, tan say impangawat yon napnoy takot tan giwgiw ed sikato, lalon ombabaleg so panangaro tod sikayo.

Jeremias 3:3

Sikato yay makasengeg no akin et ag onoran, tan anggan panaon lay nepnep et anggapo niy napelag ya oran. Singa marotak a bii so nengneng mo; anggapoy kababaingan mo.

Esdras 9:6

Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Saray Bilang 12:14

Inmebat so Katawan, “No sikatoy nilukdaan na ama to ed lupa, pitoy agew a nepeg a manakoy kababaingan. Kanyan papaway mon sakey simba ed kampo; kasumpal na satan a panaon nayari lan ipawil ed dalem na kampo.”

1 CORINTO 4:14

Isusulat ko ra ya, aliwan lapud labay ta kayon pabaingan, no ag ingen lapud labay ta kayon simbawaan, a singa ta kayo inararon anak.

COLOSAS 4:16

Kasumpal yon nabasa yan sulat, ipabasa yo pa met ed iglisia a walad Laodicea. Basa yo met ed satan so sulat a manlapud man.

Tito 2:8

Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

2 Juan 1:10

No walay toon onlad sikayo tan ag to awit yan bangat, ag yo patutuloyen ed abung yo; ag yo anggan ibabano.