2 TESALONICA 1:7 - Maung A Balita Biblia

⁷ Sikayo ran mantetepel na kairapan, kaiba mi kayon naitday inawa, diad isabiy Katawan tayon Jesus a manlapud tawen tan kaiba to ray makapanyarin anghil to.

Maung a Balita Biblia

⁷ Sikayo ran mantetepel na kairapan, kaiba mi kayon naitday inawa, diad isabiy Katawan tayon Jesus a manlapud tawen tan kaiba to ray makapanyarin anghil to.

2 TESALONICA 1:7 Referans Kwoze

Puyan 14:13

Insan nadngel koy sakey a bosis a nanlapud tawen a kuanto, “Isulat mo ya: Manlapud natan, maliket iray totoon ompatey a manlilingkur ed Katawan!” “Tua tan,” inkuan na Ispiritu. “Mampainawa la rad saray sagsagput da, ta mimila ed sikaray bunga na impanlilingkur da.”

Mateo 16:27

Ta onsabiy Anak na Too a walad sikatoy pakayari na Ama to, tan kaiba to ray anghil to. Diad satan met a bekta so pambayar tod balang too, onung ed gawgawa to.

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

Puyan 21:4

Ponasen ton amin iray luad mata ra. Anggapo lay patey, ermen, akis, tan sakit; naandipat la ray gendat a bengatla.”

Saray Taga Roma 8:17

Et natan ta anak itayo lay Dios, mananawir ti la na Dios tan kaiba tin mananawir si Cristo. Ta no minabang itayod kairapan to, minabang itayo met ed kagalangan to.

Lucas 17:30

Onya met so nagawa no ompanengneng so Anak na Too.

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

Isaias 57:2

Ta diad ipatey na saray totoon matonung nagamuran day kareenan tan inawa.

Puyan 22:9

Balet inkuanto, “Aleg! Sakey ak met ya aripen a singa sika, saray agagim a propita, tan saray manusumpal ed saray salitan wadyad sayan libro. Say Dios so igalang mo!”

Puyan 22:6

Insan inkuantod siak imay anghil, “Napanmatalkan tan tua ra yan salita. Say Dios a Katawan, ya angiter ed saray propita na Ispiritu to, imbaki toy anghil to a mangipanengneng ed saray aripen to no anto ray nakaukolan a magano lan nagawa.”

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.

1 Pedro 3:22

a linmad tawen tan manyodyorung ed nikawanay Dios. Manooley diman ed saray anghil, tan saray mangatatawen a pakayari tan pakaoley.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

Saray Hebreo 4:11

Kanyan gawaen tayoy anggaay nayarian tayo a makapampainawa onung na insipay Dios. Ag tayo nepeg ya aligen ira may sinmumlang, kanyan ag ira akaloob.

Saray Hebreo 4:9

Kanyan wala ni sirin so agew a panagpainawa a nakdaan para saray totooy Dios, a singa impampainaway Dios diad kumapiton agew.

Saray Hebreo 4:1

Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

COLOSAS 1:16

Ta diad panamegley to, apalsa ray amin a walad tawen tan dalin, nanengneng man o andi, pati saray maispiritun pakayari, kakatawan, manoley, tan saray walay betang. Apalsa ray amin a bengatla diad panamegley to tan para sikato.

TAGA-EFESO 1:2

Itdan kayo komun na Dios ya Ama tayo tan say Katawan a Jesu-Cristo na bindision tan kareenan.

Saray Gawgawa 1:11

“Sikayon lalaki a taga Galilea,” inkuanda, “akin et manalalagey kayon akatangay ed tawen? Sayan Jesus a nanlapud pegley yo tan niatagey ed tawen, et ompawil lamlamang a singa impakanengneng yod sikaton linma ed tawen.”

Juan 1:51

Insan to inkuan ed sikaran amin, “Ibagak ed sikayoy katwaan, nanengneng yon nalokasay tawen tan nanengneng yo ray anghil na Dios ya onsesegep tan onlalasur ed Anak na Too.”

Juan 1:3

Diad panamegley to apalsa ya amiy bengatla; anggapoy bengatlan apalsa ya aliwan diad panamegley to.

Lucas 16:25

Balet inkuanen Abraham, ‘Anak ko, tandaan mo a nen mambibilay kad tapew na dalin, walad sikay maung iran bengatla, balet walad kinen Lazaro iray kairapan. Manliliket dia natan, balet maniirap kad tan.

Marcos 14:62

Inmebat si Jesus, “On, siak, tan nanengneng yoy Anak na Too ya akayorung ed nikawanay Dios a Makapanyarin-amin. Nanengneng yo met naani ya onsasabin walad saray lorem na tawen!”

Marcos 8:38

Kanyan siopamay mangibaing ed siak tan saray salitak ed sayan panaon a makasalanan tan ag mamirbir ed Dios, sikato met so ibaing na Anak na Too, no onla dian ompawil a kataruk toy kagalangay Ama tan kaiba to ray masanton anghil.”

Mateo 26:64

Inmebat si Jesus, “Sika lan dili so mangibabaga. Balet kuankod sikayon amin a manlapud natan, nanengneng yoy Anak na Too ya akayorung ed nikawanay Dios a Makapanyarin-amin. Nanengneng yo met ya onsasabin walad saray lorem na tawen!”

Exodo 3:2

Diman pinmanengneng ed sikato so anghil na Katawan ed nengneng na apoy a manlalapud pegley na sakey ya abeban kiew; anengneng nen Moises a mandarlang imay kiew, balet ag napopoolan.

Exodo 19:18

Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Ezekiel 1:13

Diad kawalaan da ra may mabilay a pinalsa, walay bengatlan singa manliub ya apoy a nipotan, tan ag makareen. Marmarlang so apoy to tan mampaway diman so kirmat.

Daniel 7:9

Nen onnenengneng ak, nilira iray trono. Inmirung ed sakey a trono imay mambibilay ya anggad angga. Singa poti na yilo so kawes to, tan singa puron abel a lana iray buek to. Manliub so trono ton nilirad saray apoy a dalig,

Mateo 16:28

Tandaan yo ya! Wala ra diad sikayoy ag ompatey ya anggad ag da nanengneng so Anak na Too ya onsabin sakey ya Ari.”

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

1 CORINTO 3:13

Naamtaan so klasiy kimey na balang too no ipatnag la na Agew nen Cristo. Ta say apoy na satan ya Agew so manubok tan mangipatnag na klasiy kimey na balang too.

1 TESALONICA 3:13

Pabiskegen tod satan so linawa yo, tan magmaliw kayon masanto tan anggapoy pakabalawan ed arap na Dios tan Ama tayo, no onsabiy Katawan tayon Jesus a kaiba ton amin iray totoo to.

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!

Saray Hebreo 12:29

ta say Dios tayo et manangoput ya apoy.

2 Pedro 3:7

Diad panamegley met na salita na Dios nanaasikaso so tawen tan dalin, pian naderal ira na apoy no onsabiy agew a nasintinsiaan tan nadusa ray maoges a totoo.

Judas 1:7

Nunot yo met so Sodoma, Gomorra, tan saray kaliber-liber dan baley. Lapu met ed impanggawa da ray totood man na inmoralidad tan saray kasalanan sumpad inkatoo ra, manlilikna ray dusa ed andi-anggaan ya apoy, a sikatoy pamasakbay ed amin a katoowan.

Puyan 6:11

Naitday balang sakey ed sikara na ampotin kawes. Nibagad sikaran mampainawa ni ran magano, anggad nasabiy dugan bilang na saray agagi tan kakaiba ran managlingkur a napatey met a singa sikara.

Puyan 14:10

inomen toy alak, say alak na pasnuk na Dios ya imbales ton anggapoy lauk ed kupay sanuk to! Napairap ed apoy tan asupri diad arap na Kordiro tan saray masanton anghil.