2 Saray Awaran 9:7 - Maung A Balita Biblia

⁷ Mapalar iray totoon mansisirbid sika, a wala ra lawas ed arap mo tan narerengel day kakabatan mo!

Maung a Balita Biblia

⁷ Mapalar iray totoon mansisirbid sika, a wala ra lawas ed arap mo tan narerengel day kakabatan mo!

2 Saray Awaran 9:7 Referans Kwoze

Lucas 11:28

Balet inmebat si Jesus, “Lalo ni ingen a maliket iray ondedengel ed salitay Dios tan oonuren da!”

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Probirbio 10:21

Pankaabigan na amayamay a totoo iray salita na toon matonung, balet nayarin pateyen moy sikan dili lapud inkakulang-kulang.

Probirbio 8:34

Maliket so toon ondedengel ed siak— say toon manaayam ya inagew-agew ed puirtak, a manaalagar ed lolooban na abung ko.

Probirbio 3:14

Dakel niy nagonggonam ed kakabatan nen say diad pilak; mabli ni nen say balituk so kakabatan.

Probirbio 3:3

Ag mo ikakaindan so katotoluk tan say inkatoor. Isinger mo rad beklew mo tan isulat mo rad pusom.

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

1 Saray Arari 10:8

Mapalar iray asawam! Mapalar iray aripen mo, a wala ra lawas ed arap mo tan narerengel day kakabatan mo!

Deuteronomio 33:9

Impanengneng dan baleg so panangaro rad sika Nen say panangaro rad saray atateng, agagi, odino anak da. Inonur da ray ganggan mo Tan matoor irad impisipanan mod sikara.

2 Saray Awaran 9:6

Balet ag ak anisia ya anggad impakakar ko dia tan siak a diliy akanengneng. Say nadngelan ko et ag onkapalduad tuan kakabatan mo; makabat ka ni nen say nadngelan kod saray totoo.

2 Saray Awaran 9:8

Nadayew komun so Katawan a Dios mo! Diad impakaliket tod sika ginawa to kan ari a manoley ed ngaran to. Lapud panangaro tod saray totoo ton Israelita tan lapud labay to ran pansiansiaen ya anggad angga, impagmaliw to kan ari ra pian napansian-siam so kaptekan tan katonungan.”