2 Saray Awaran 9:23 - Maung A Balita Biblia

²³ Linma ran amin a mangipanon ed sikato, pian makarengel iray kakabatan ya inter na Dios ed sikato.

Maung a Balita Biblia

²³ Linma ran amin a mangipanon ed sikato, pian makarengel iray kakabatan ya inter na Dios ed sikato.

2 Saray Awaran 9:23 Referans Kwoze

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

Probirbio 2:6

Say Katawan so mangiiter na kakabatan; manlalapud sikato so pakaamta tan pakatalus.

1 Saray Arari 4:34

Nadngelan na amin da ray arari ed intiron mundo so kakabatan nen Solomon, kanyan angibaki ray totoon ondengel ed sikato.

TAGA-EFESO 1:17

tan kekerewen kod mapagalang tan makapanyarin Ama a Dios na Katawan tin Jesu-Cristo, ya itdan to kayo komuy Ispiritu. Sikatoy mangiter ed sikayoy kakabatan, tan ipaamta tod sikayoy Dios, pian nakabatan yo.

1 CORINTO 12:8

Iiter na Ispiritu ed sakey a too so pakayarin mangipulong na salitay Dios, tan diad sananey a too say pakayarin mantalus na salitay Dios.

1 CORINTO 1:30

Balet say Dios impikasakey to itayod Cristo Jesus tan ginawa to a kakabatan tayo. Diad panamegley nen Cristo, apirdona ray kasalanan tayo ed arap na Dios, nagmaliw itayon masanton totooy Dios, tan arondon itayo la.

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Daniel 5:11

Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Isaias 11:2

Say ispiritu na Katawan so manayam ed sikato tan mangiter ed sikato na kakabatan, pakatalus, tan karonungan a manoley ed saray totoo to. Naamtaan toy linawa na Katawan tan pagalangan toy Katawan,

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

2 Saray Awaran 9:22

Mayaman tan makabat niy Ari Solomon nen saray arum ya arari ed intiron mundo.

2 Saray Awaran 9:24

Balang sakey ed sikara inawitan toy Solomon na rigalo—saray kagawaan a balituk tan pilak, saray kawes, saray armas, saray rikado, saray kabayo, tan saray mula. Tinaon yan nagagawa.