2 Saray Awaran 9:2 - Maung A Balita Biblia

² Inebatan iran amin nen Solomon; anggapoy tepet a nanirapan ton impaliwawad sikato.

Maung a Balita Biblia

² Inebatan iran amin nen Solomon; anggapoy tepet a nanirapan ton impaliwawad sikato.

2 Saray Awaran 9:2 Referans Kwoze

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

Saray Hebreo 4:12

Ta mabilay tan mabiskeg so salitay Dios. Matdem nen say anggan anton ispada a nantopag so tarem; talusen to so anggad pansiyanay kamarerwa tan ispiritu, anggad panabetay langolangowan tan otek na pokel. Sintinsiaan to ray kanunotan tan pilalek na saray katoowan.

COLOSAS 2:3

Sikato so akaiyamutay amin a kayamanay kakabatan tan pakatalus.

Juan 15:15

Ag ta ki la ipapasen ya aripen natan, ta ag kabat na aripen so gagawaey katawan to. Ipapasen ta ki lan kakaaro, lapud impaamtak ed sikayo ray amin a nadngel kod Amak.

Marcos 4:34

Ag to nampulong no ag imparalan ed alimbawa. Balet no bukbukor to la tan saray disipulo to, ipaliwawa ton amin ed sikara.

Marcos 4:11

Inkuanen Jesus, “Niiter ed sikayoy pakaamta ed saray maamut a bengatlan nipaakar ed Panariay Dios, balet saray arum narerengel da labat ed panamegley na alimbawa.

Probirbio 18:4

Saray salita na too nayarin sakey a sobul na kakabatan, aralem a singa dayat, tan tariwan singa managagos a danum.

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

1 Saray Arari 4:29

Initdan na Dios si Solomon na nidoma-doman kakabatan tan pakatalus, tan say karunongan ya ag natokur.

1 Saray Arari 3:12

iter kod sikay kinerew mo. Iter kod sikay kakabatan tan pakatalus a matalonggaring ni nen say nipalabo lad siopaman a toon akaonan nambilay nen say sika odino diad toon mambilay a naonur nen say sika.

2 Saray Awaran 9:1

Nadngelan na riyna na Seba so inkabantug nen Solomon, kanyan linmad Jerusalem ta suboken toy Solomon diad panamegley na pantepet to na saray mairap a tepet. Sinmabin kaiba to ray amayamay ya aripen, tan saray kamilyo a napnoy beneg da na saray rikado, alahas, tan balituk. Nen kaarap toy Solomon intepet to lay amin a nayarian ton tepeten.

2 Saray Awaran 9:3

Samay riyna na Seba nadngel toy kakabatan nen Solomon tan anengneng toy palasio ya impaalagey to.