2 Saray Awaran 8:14 - Maung A Balita Biblia

¹⁴ Diad impangonur tod saray bilin na ama ton David, inoksuy to so inagew-agew a kimey da ray papari, tan saray Levita a tinmulong ed saray papari diad panagkanta na saray imno tan diad saray arum a kimey da. Impanggrugrupo to met iray guardiad Timplo diad impanbantay dad balang puirta, onung ed saray ganggan nen David a too na Dios.

Maung a Balita Biblia

¹⁴ Diad impangonur tod saray bilin na ama ton David, inoksuy to so inagew-agew a kimey da ray papari, tan saray Levita a tinmulong ed saray papari diad panagkanta na saray imno tan diad saray arum a kimey da. Impanggrugrupo to met iray guardiad Timplo diad impanbantay dad balang puirta, onung ed saray ganggan nen David a too na Dios.

2 Saray Awaran 8:14 Referans Kwoze

1 Saray Awaran 9:17

Nanayam ed Jerusalem ira yay onggendan a guardiad Timplo: Sallum, Acub, Talmon, tan Ahiman. Si Sallum so pangulo ra.

Nehemias 12:36

Sikatoy tomtombuken na arum iran kabyangay boleg to a di Semaya, Azarel, Milalai, Gilalai, Maai, Natanael, Juda, tan Hanani. Amin da et nanaawit ira na saray panagtogtog na musika a singa saray nantotogtogan nen Ari David a too na Dios. Si Esdras ya iskriba so angipangulo ed sayan grupo diad impankurang da.

Nehemias 12:24

Diad panangipangulo di Hasabias, Serebias, Jesua, Binui, tan Cadmiel naapag-apag ed pigaran grupo iray Levita. Duaran grupo so manebatan a mangidayew ed Dios tan misalamat ed Dios onung na saray bilin nen Ari David a too na Dios.

Esdras 6:18

Nipasen ed saray kanepegan dan kimey ed Timplod Jerusalem iray papari tan saray Levita, onung na saray ibabagay nisulat ed libro nen Moises.

Saray Gawgawa 13:36

Kasumpal a ginawa nen David ed legay impambilay to so linaway Dios, inatey tan nipompon a kaabay to ray lalaki to. Dinalan to met sirin so kaboboluk.

Saray Gawgawa 13:22

Nen inekal lay Dios si Saul, inter ton manarid sikara si David. Onyay imbagay Dios nipaakar ed sikato: ‘Nalmok a si David ya anak nen Jesse so toon pakaliliketan ko, sakey a toon sipaparaan a manumpal na amin a linawak.’

Lucas 1:8

Aminsan ya agew, si Zacarias manlilingkur a sakey a pari ed arap na Dios, ta asabi lay liber na kawalaan ton olup na papari.

Lucas 1:5

Nen si Herodes so ari na Judea, walay sakey a parin manngaray Zacarias, a kabyangay olup na paparin ipapangulo nen Abias. Say asawa nen Zacarias et si Elizabet, a kabyangay kailalakan nen Aaron.

2 Saray Awaran 35:10

Nen niparaan lan amiy nakaukolan ed Paskua, saray papari tan saray Levita linma rad pasen da onung na ingganggan na ari.

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

2 Saray Awaran 23:4

Onyay gawaen tayo. Saray papari tan saray Levita, no onla ran mankimey no Agew na Panagpainawa, et guardiaan na kakatlod sikara iray puirta na Timplo,

2 Saray Awaran 5:11

Amin a paparin wadman, anggan anton grupoy kawalaan da, insaklang day sikaran dili. Amin da ray Levitan tumutogtog tan kumakanta a di Asaf, Heman, tan Jedutun tan saray kabyangay boleg da et akasolung iray linen a kawes. Nanalagey iray Levita ed abay na altar diad nibokig a dapag. Sankaawit da ray piangpiang tan saray arpa; tan kaiba da ray sanlasus tan duamplon papari a mamapaknul na trumpita. Saray kumakanta indayew day Katawan tan babansagan iray trumpita, saray piangpiang tan arum ni ran kagawaay musika. Kinanta ra: “Igalang yoy Katawan ta sikato et maung, Tan mansiansia ed ando lan ando so panangaro ton ag mangoman.” Legan a tataynan na saray papari so Timplo, biglan apano na lorem na Kagalangay Katawan, kanyan ag da la nituloy so pangigagalang da.

1 Saray Awaran 28:19

Inkuanen Ari David, “Amin da ra ya et wala rad plano a nisulat onung ed saray bilin na dilin Katawan a gawaen ko.”

1 Saray Awaran 23:1

Nen masikesiken lay David ginawa ton ari na Israel si Solomon ya anak to.

1 Saray Awaran 16:42

Di Heman tan Jedutun met so makaoley ed saray trumpita, piangpiang, tan saray arum a kagawaan na musika a togtogen ira no kantaen iray imnon panangidayew. Saray kabyangay boleg nen Jedutun so makaoley ed panagguardiad saray puirta.

1 Saray Arari 13:1

Lapud ganggan na Katawan, linmad Betel a nanlapud Juda so sakey a propita tan asabian ton manalalagey ed abay na altar si Jeroboam a mangibabagat.

2 Samuel 23:2

Say ispiritu na Katawan misasalita ed panamegley ko; walad dilak iray salita to.

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.

1 Saray Awaran 16:37

Imbaga nen David ed kindi Asaf tan saray kapara ton Levita ya ituloy dan sikaray makaoley ed panangigalang a ginagawad pasen a kawalaay Kaban na Sipanan. Nepeg ya inagew-agew so panggawa rad saray kimey da.

1 Saray Awaran 24:1

Sikara yay olup na totoon kabyangay boleg nen Aaron. Apatiray lalakin anak nen Aaron: di Nadab, Abiu, Eleazar, tan Itamar.

1 Saray Awaran 25:1

Pinili nen David tan saray pangulo da ray Levita iray onggendan a boleg na Levita a mangipangulo ed pangigalang ed Dios: Asaf, Heman, tan Jedutun. Sikaray mangibawag na saray salitay Dios legan a totogtogen iray saltirio, saray arpa tan saray piangpiang. Saya so listaan da ray totoon apilin mangipangulo na pangigalang ed Dios tan saray kimey da:

1 Saray Awaran 26:1

Sikara yay kimey a nipabetang ed saray Levitan guardia ed Timplo. Manlapud boleg nen Core, walay Meselemias a lakin anak nen Core tan kabyangay pamilya nen Asaf.

2 Saray Awaran 8:15

Asumpal ya amin iray bilin nen David ed saray papari tan saray Levita nipaakar ed saray abung a panagsinupan tan saray arum a pamaakaran.

2 Saray Awaran 29:25

Tinombuk na ari iray bilin ya inter na Katawan ed kinen Ari David diad panamegley nen Gad a propita na ari tan diad panamegley nen propita Natan; angipasen na saray Levita ed Timplo a wala ray arpa tan piangpiang da,

2 Saray Awaran 35:4

Laka yod Timplo tan manayam kayod pasen a niganad boleg a nanlapwan yo, onung ed saray kimey ya impapabetang ed sikayo nen Ari David tan si Ari Solomon a lakin anak to.

1 Saray Awaran 9:24

Kapag dapag na Timplo, diad baybay, abalaten, sagur, tan diad bokig walay puirta tan walay pangulon guardia.

1 Saray Awaran 24:3

Tinogyup nen Ari David iray kabyangay boleg nen Aaron onung na saramay kimey da. Diad impanogyup nen David tinulongan nen Sadoc a kabyangay boleg nen Eleazar, tan si Ahimelec a kabyangay boleg nen Itamar.

2 Saray Awaran 23:19

Angipasen met si Joiada na saray mangguardia ed saray puirta na Timplo pian ag makaloob so siopaman ya aliwan malinis onung ed ganggan.

2 Saray Awaran 35:15

Saray tumutogtog tan saray kumakanta a kabyangan ira na boleg nen Asaf et wala rad saray pasen ya impabetang ed sikara nen Ari David: Asaf, Heman, tan Jedutun a propita na ari. Ag kinaukolan na saray guardiad saray puirta na Timplo ya ontaynan irad saray pasen da, lapud saray Levita et imparaanan da la ra na Paskua.

Nehemias 12:25

Saray onggendan a guardiay Timplo et makaoley iran mangguardia ed saray kuarton panagsinupan ed abay da ray puirta na Timplo: Matanias, Bacbukias, Obadias, Mesullam, Talmon, tan Acub.