2 Saray Awaran 7:8 - Maung A Balita Biblia

⁸ Pitoy agew a sinilibraan nen Solomon tan amin da ray Israelita so Pista na saray Abung-abung. Dinmago ya amin iray totood Israel, manlapud Dalan na Hamat diad baybay ya anggad ketegay Egipto diad abalaten.

Maung a Balita Biblia

⁸ Pitoy agew a sinilibraan nen Solomon tan amin da ray Israelita so Pista na saray Abung-abung. Dinmago ya amin iray totood Israel, manlapud Dalan na Hamat diad baybay ya anggad ketegay Egipto diad abalaten.

2 Saray Awaran 7:8 Referans Kwoze

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

1 Saray Arari 8:65

Pitoy agew, diad Timplo a sinilibraan nen Solomon tan amin da ray Israelita so Pista na saray Abung-abung. Dinmago ya amin iray totoo a nanlapud nandoroman pasen, manlapud dalan a tatawagey Hamat diad baybay ya anggad ketegay Egipto diad abalaten.

Juan 7:2

Magano lan onsabiy Pista na saray Abung-abung, sakey a pista da ray Judio.

Amos 6:14

Say Katawan a Dios a Makapanyarin-amin kuanto, “Totood Israel, mangyakar ak na saray sondalod arum a bansa a manakop ed bansa yo. Pairapen da kayo manlapud Dalan a Hamat diad baybay ya anggad Kolus na Araba diad abalaten.”

2 Saray Awaran 30:13

Amayamay a totoon dinmagop ed Jerusalem diad kumadwan bulan ta silibraan day Pista na Tinapay ya Anggapoy Libadura.

1 Saray Arari 8:2

Nantitipon iran amin nen Pista na saray Abung-abung ed kumapiton bulan na Etanim.

2 Saray Awaran 5:3

Nantitipon iran amin nen Pista na saray Abung-abung.

2 Saray Awaran 30:26

Awalaan na baleg a liket so Jerusalem, lapud anggapoy singa onyan agawa nanlapud samay panaon nen Ari Solomon a lakin anak nen David.

Ezekiel 45:25

“No kumalabinliman agew na kumapiton bulan, onggapo so Pista na saray Abung-abung. Diad kapag agew ed loob na pitoran agew, say prinsipi mangisaklang na namparan bagat a para kasalanan, namparan bagat a popoolan, tan namparan bagat a trigo tan larak na oliba.”

Ezekiel 47:20

“Say ketegan ed sagur et say dayat na Mediteraneo tan mampabaybay ya anggad sakey a tanda diad sagur na Dalan na Hamat.