2 Saray Awaran 6:5 - Maung A Balita Biblia

⁵ ‘Manlapud samay agew ya impangipaway kod Egipto ed saray totook, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak tan ag ak nampili na siopaman a mangipangulod saray totook ya Israelita.

Maung a Balita Biblia

⁵ Manlapud samay agew ya impangipaway kod Egipto ed saray totook, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak tan ag ak nampili na siopaman a mangipangulod saray totook ya Israelita.

2 Saray Awaran 6:5 Referans Kwoze

Daniel 9:19

Katawan, dengel mo kami pa. Katawan, pirdona mo kami pa. Katawan, talineng mo kami pa tan galaw ka pa! Ag ka pa manaabala, O Katawan, pian naamtaan na amin a totoo a sika so Dios! Kayaryan mo yan siudad tan sarayan totoo.”

1 Saray Arari 8:16

‘Manlapud samay agew ya impangipaway kod Egipto na saray totook ya Israelita, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak. Balet pinili ta ka, David, a manoley ed saray totook.’”

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

1 Samuel 10:24

Inkuanen Samuel ed saray totoo, “Nia so toon pinili na Katawan! Anggapoy mipara ed sikato.” Inmeyag iray amin a totoo, “Andokey komuy bilay na ari!”

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Exodo 23:21

Dengel kayod sikato tan onur yo. Ag kayo onsusumlang ed sikato, ta ag to pirdonaen iray onsumlang ed sikato. Sikato so imbakik.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

2 Saray Awaran 6:4

Inkuanto, “Nagalang komun so Katawan a Dios na Israel! Sinumpal toy sipan tod amak a David, sanen inkuantod sikato,

2 Saray Awaran 6:6

Balet natan pinilik so Jerusalem a pasen a pangigalangan ed siak, tan pinili ta ka, David, a manoley ed saray totook.’”

2 Saray Arari 21:4

Nanggawad dalem na Timplo na saray altar a panangigalangan na saray pagano, anta say Timplo so pasen ya imbaga na Katawan a pangigalangan ed sikato.

1 Saray Awaran 17:5

Nanlapu lad impangipaway kod saray totood Israel ed Egipto ya anggad natan, ag ak balut nanayam ed dalem na timplo; diad nandoroman lugar a naknakar ko, dalem na tulday nanaayaman ko.

2 Saray Awaran 6:20

Bantayan mo pad agew tan labi yan Timplo, say pasen ya insipan mon pangigalangan ed sika. Dengel mo ak pa sirin legan kon mampipikasi ya akaarap ed sayan Timplo.

2 Saray Awaran 7:16

Pinilik tan pinasantok yan Timplo a sikatoy pasen a pangigalangan ed siak diad ando lan ando. Bantayan ko lawas tan iyagel kod amin a panaon.

2 Saray Awaran 12:13

Nanoley ed Jerusalem si Roboam tan pinmalaloy pakayari ton ari. Apataplo tan sakey so taon to nen nagmaliw ya ari. Nanoley na labimpitoy taon ed Jerusalem, say siudad a pinili na Katawan, diad intiron dalin na Israel a pasen a pangigalangan ed Katawan. Say ina nen Roboam et si Naama a taga Ammon.

2 Saray Awaran 20:8

Nanayam ira dia tan angipaalagey iray sakey a timplo a pamagalang dad sika, ta amta ra

2 Saray Awaran 20:9

a no ondalan ed sikaray bengatlan manderal, a singa say bakal, salot, odino eras makakar iran manalagey ed arap na sayan Timplo a pangigagalangan ed sika. Makapampikasi rad sika lapud kagugunigon da, et dengelen tan iyagel mo ra.

2 Saray Awaran 30:8

Ag yo papaaweten so puso yon singa sikara, no ag ingen toluk kayod Katawan. Dago kayod Timplo ed Jerusalem a pinasanton andi anggaan na Katawan a Dios yo. Igalang yo pian ag to kayo la pampasnukan.

2 Saray Awaran 33:4

Nanggawad Timplo na saray altar a panangigalang na saray pagano, anta say Timplo so pasen ya imbaga na Katawan a pangigalangan ed sikato.

2 Saray Awaran 33:7

Angyan na sakey a talintao ed Timplo. Onyay inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem, diad ed sayan Timplo, so pasen a pinilik ed amin da ray lugar na labinduan tribu na Israel a pangigalangan ed siak.

Esdras 7:16

Sika met so mangawit ed amin da ray natipon mon pilak tan balituk ed luyag na Babilonia, tan saray bagat a manlapud mabulos a linawa ya iter na saray Israelita tan saray papari ed Timplo na Dios da a walad Jerusalem.

Zacarias 3:2

Samay anghil na Katawan kuantod kinen Satanas, “Dusaen ka komun na Katawan, sika Satanas! Dusaen ka komun na Katawan ya inaro to so Jerusalem. Sayan too et aliling toy sakey a pegpeg na kiew ya inalad kawalaay pool.”