2 Saray Awaran 6:40 - Maung A Balita Biblia

⁴⁰ “Natan, O Dios ko, imano mo kami pa tan talineng mo ray pikakasin nibalikas ed sayan pasen.

Maung a Balita Biblia

⁴⁰ Natan, O Dios ko, imano mo kami pa tan talineng mo ray pikakasin nibalikas ed sayan pasen.

2 Saray Awaran 6:40 Referans Kwoze

Saray Salmo 116:2

Kapag ontawag ak ed sikato, talinengen to ak.

2 Saray Awaran 7:15

Bantayan ko yan pasen tan sipaparaan ak ya ondengel ed amin a pikakasin iyapay dia.

Saray Salmo 17:1

Katawan, dengel mo pay ikekerew koy katunongan; imanom pay ikekerew ko na tulong! Dengel mo pay pikakasik, ta ag ak mantitila.

Nehemias 1:6

Imano mo ak pa, Katawan, tan talineng mo ak pa ed agew-labin pangipipikasik ed saray aripen mo a totood Israel. Ipatuak a nankasalanan kami, sikamin totood Israel. Nankasalanan ak tan saray lalakik.

Nehemias 1:11

Dengel mo natan so pikakasik tan saray pikakasi da ray arum ya ariripen mo a labay da kan pagalangan. Paaligwas mo ak pa natan, tan iyabuloy mon kasian ak na impirador.” Diad saraman ya agew siak so makaoley ed alak na impirador.

Isaias 37:17

Imanom pa, Katawan, so nagagawad sikami. Dengel mo pan amin iray salitan pamapabaing nen Senakerib ed sika, Dios a mabilay.

Saray Salmo 88:1

Katawan a Dios a manangilaban ko, no agew onkekerew ak na tulong ed sika, tan no labi onaasingger ak ed sika.

Saray Salmo 34:15

Say Katawan iimanoen to ray matonung, tan dedengelen to ray tawag da;

Saray Salmo 31:2

Dengel mo ak pa! Ilaban mo ak la natan! Sika pa so salimbengan ko a mangyagel ed siak; sika pay tirinsirak a mangilaban ed siak.

Saray Salmo 13:3

Imano mo ak tan ebatan mo ak pa, Katawan a Dios ko. Pabiskeg mo ak, pian ag ak ompatey.

Saray Salmo 7:3

Katawan a Dios ko, no nanggawa ak na maoges ed siopaman, no nantraidor ak ed kaarok, odino pinasakitan kon anggapoy makasengeg so kalaban ko, no ginawak so anggan dinan ed saraya,

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

1 Saray Arari 8:52

“Katawan a Dios, maabig lawas komun so linawam ed saray totoom tan say ari ra, tan dengel moy pikakasi ra kapag onkerew irad sikay tulong.

1 Saray Arari 9:3

Inkuan na Katawan ed sikato, “Nadngel koy pikakasim. Pasantosen ko yan Timplon impaalagey mo, ta sikatoy pasen a pangigalangan ed siak diad ando lan ando. Asikasoen tan iyagel ko ed anggan anton panaon.

2 Saray Arari 19:16

Imanom pa, Katawan, so nagagawad sikami. Dengel mo pan amin iray salitan pamapabaing nen Senakerib ed sikan Dios a mabilay.

2 Saray Awaran 6:39

dengel mo pad satan iray pikakasi ra. Dengel mo pa rad ayaman mod tawen, kasian mo ra, tan pirdonam iray amin a kasalanan da.

Saray Salmo 130:2

Dengel mo pay tagleey ko, Katawan, talineng mo pay ikekerew koy tulong!

2 Saray Awaran 6:20

Bantayan mo pad agew tan labi yan Timplo, say pasen ya insipan mon pangigalangan ed sika. Dengel mo ak pa sirin legan kon mampipikasi ya akaarap ed sayan Timplo.