2 Saray Awaran 6:4 - Maung A Balita Biblia

⁴ Inkuanto, “Nagalang komun so Katawan a Dios na Israel! Sinumpal toy sipan tod amak a David, sanen inkuantod sikato,

Maung a Balita Biblia

⁴ Inkuanto, Nagalang komun so Katawan a Dios na Israel! Sinumpal toy sipan tod amak a David, sanen inkuantod sikato,

2 Saray Awaran 6:4 Referans Kwoze

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

Mateo 24:35

Naandipat so tawen tan dalin, balet ag balut naandipat iray salitak.”

Saray Salmo 68:4

Kantaan yoy Dios, kantaan yo na panangidayew so ngaran to; iparaan yoy dalanen na manloglogan ed saray lorem. Yahweh so ngaran to—manliket kayod arap to!

Saray Salmo 41:13

Idayew yoy Katawan a Dios na Israel! Idayew yo ya anggad angga! Amen! Amen!

1 Saray Awaran 29:20

Insan ingganggan nen David ya amin iray totoo, “Igalang yoy Katawan a Dios yo!” Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

1 Saray Awaran 29:10

Diman ed arap na saray atiptipon a totoo indayew nen David so Katawan. Inkuanto, “Katawan a Dios na laki min Jacob, nadayew ka komun ed ando lan ando!

1 Saray Awaran 17:12

Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

1 Saray Arari 8:15

Inkuanto, “Nagalang komun so Katawan a Dios na Israel! Sinumpal toy sipan tod amak a David, nen inkuantod sikato,

2 Saray Awaran 6:3

Legan a manalalagey iray totood man, inarap ira nen Solomon, tan kinerew ton bindisionan iray Dios.

2 Saray Awaran 6:5

‘Manlapud samay agew ya impangipaway kod Egipto ed saray totook, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak tan ag ak nampili na siopaman a mangipangulod saray totook ya Israelita.

2 Saray Awaran 6:15

Tinoor moy sipan mod amak a David ya aripen mo, tan diad sayan agew sinumpal moy amin ya imbagam.

2 Saray Awaran 6:17

Kanyan pikasik ed sika, O Katawan a Dios na Israel, a sumpal mo pay amin ya insipan mod kinen David ya aripen mo.

Nehemias 8:6

Inkuanen Esdras, “Nadayew komun so Katawan, say matalonggaring a Dios!” Amin a totoo inyatagey day lima ra tan kuanda, “Amen, Amen!” Insan ira dinmakmomon angigalang ya anggad dalin.