2 Saray Awaran 6:26 - Maung A Balita Biblia

²⁶ “No mankasalanan ed sika iray totoom tan dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

Maung a Balita Biblia

²⁶ No mankasalanan ed sika iray totoom tan dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

2 Saray Awaran 6:26 Referans Kwoze

Deuteronomio 28:23

Anggapoy ompelag ya oran kanyan onawet a singa balatyang so dalin yo.

Deuteronomio 11:17

No onyay gawaen yo, mampasnuk ed sikayo so Katawan. Ag to papelagen so oran, et onkelang so dalin yo tan anggapoy ontubon tanaman. Insan ag mabayag, ompatey kayod man, anggaman a maung iman a dalin ya iter tod sikayo.

Levitico 26:19

Patondaen koy ontan lan inkamapaatagey yo; anggapoy ompelag ya oran, et onmaga so dalin yo tan onawet a singa balatyang.

Puyan 11:6

Walad sikaray pakayarin mangikaput na tawen, pian ag onoran legan dan ipupulong so salitay Dios. Wala met so pakayari rad saray danum; nayarian da a pagmaliwen iran dala. Wala met so pakayari ran mangiter ed dalin na antokaman a salot, kapag labay da.

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Ezekiel 14:13

“Sika a toon ompatey,” kuanto, “no mankasalanan so sakey a bansa tan magmaliw ya aliwan matoor ed siak, dusaen ko tan deralen koy panlalapwan na tagano na saray totoo to. Mangipadalan ak na eras ed satan a bansa tan pateyen ko ray totoo tan saray ayayep to.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Lucas 4:25

Balet kuankod sikayo ya amayamay so balon bibii ed Israel nen panaon nen Elias. Diad saman, taloy taon tan kapaldua ya ag inmoran a balut, kanyan walay balbaleg ya eras ed lapag na saman a dalin.

2 Saray Awaran 6:25

dengel ka pad tawen, O Katawan. Pirdonam pa ray kasalanan da, tan ipawil mo rad dalin ya inter mod sikara tan saray lalaki ra.

2 Saray Awaran 7:13

Kapag ag ko paoranen, odino kapag mangibaki ak na saray dorun a mangan ed saray tanaman, odino mangipadalan ak na salot ed saray totook,