2 Saray Awaran 6:13 - Maung A Balita Biblia

¹³ Nanggaway Solomon na gansan intablado tan inyan tod pegley na patio. Duara tan kapalduan mitro a kuadrado so kabaleg to tan sakey tan kapalduan mitro so kaatagey to. Sinmapat ed sayan intablado, tinmalimukor ed pasen a nanengneng na balang sakey, insan to inyatagey ed tawen iray lima to.)

Maung a Balita Biblia

¹³ Nanggaway Solomon na gansan intablado tan inyan tod pegley na patio. Duara tan kapalduan mitro a kuadrado so kabaleg to tan sakey tan kapalduan mitro so kaatagey to. Sinmapat ed sayan intablado, tinmalimukor ed pasen a nanengneng na balang sakey, insan to inyatagey ed tawen iray lima to.)

2 Saray Awaran 6:13 Referans Kwoze

1 Saray Arari 8:54

Kasumpal nen Solomon a nampikasi ed Katawan, nanalagey ed arap na altar, a diman lay nantalimukoran ton akatagey iray lima to.

Nehemias 8:4

Si Esdras nanalagey ed tapew na intabladon tabla ya impaalagey makasengeg ed saman ya agawa. Nanalagey ed nikawanan to iray onggendan a totoo: Matitias, Sema, Anaya, Urias, Helcias, tan Maasias. Diad nikawigi to saraya so nanalagey: Pedaya, Misael, Malkias, Hasum, Hasbadana, Zacarias, tan Mesullam.

Saray Salmo 95:6

Dago kayo, ta mandakmomo tan mangigalang itayod sikato; mantalimukor itayod arap na Katawan a Manamalsa tayo!

Esdras 9:5

Nen sinmabiy oras na panangisaklang na bagat ed labi, inmalagey ak ed pasen a paneermenan ko. Akasolung nid siak imay apilat a kawes. Tinmalimukor ak a nampikasi tan inyonat ko ray limak ed Katawan a Dios ko.

Saray Gawgawa 21:5

Balet nen asumpal lay panaon mid man, intuloy mi so nambiahi. Amin da, pati saray kaasawaan tan saray anak da, impatnubang da kami ya anggad paway na siudad. Nantalimukor kamin amin ed baybay tan nampikasi kami.

Saray Gawgawa 20:36

Kasumpal ton imbaga ra ya, nantalimukor si Pablo tan nampikasi a kaiba to ran amin.

Lucas 22:41

Insan inmarawiy daiset. Nantalimukor diman tan nampikasi.

Daniel 6:10

Nen naamtaan nen Daniel ya apirmaan la may ganggan, sinmempet lad abung. Diad sakey a kuartod tagey na abung to, wala ray bintana ya akaarap ed Jerusalem. Onung na gagawaen to lawas, mamitlod sanagew a tinmalimukor a nampikasi tan akisalamat ed Dios to.

2 Saray Awaran 4:9

Nanggawa met na patio ed dalem a para papari, tan say patio ed paway. Saray kaput da ray puirta ed nanleetan na saramay duaran patio et naokupan ira na gansa.

1 Saray Arari 7:12

Say patio na palasio, say patiod Timplo, tan say kuarton lolooban ed Timplo et wala ray padir da a walay sidron panuksolan ed tapew na kapag mikatlon baton tinabas.

1 Saray Arari 6:36

Nipaalagey ed arap na Timplo so patio; aliber na padir a walay sidron panuksolan ed tapew na kapag mikatlon tinabas a bato.

2 Saray Awaran 6:12

Kayari to ya, diad arap na saray totoo, nanalagey si Solomon ed arap na altar tan intagey to ray lima to a nampikasi. (

Exodo 9:29

Inkuanen Moises ed sikato, “Kapaway kod siudad, iyatagey ko ray limak diad pampikasik ed Katawan. Ontonday karul, tan naandi la ray kristal, pian naamtaan mo a kayaryan na Katawan so mundo.

Nehemias 1:4

Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.