2 Saray Awaran 6:11 - Maung A Balita Biblia

¹¹ Inyan kod Timplo so Kaban na Sipanan a nankarga na saray tapyak a bato a tanda na impisipanay Katawan ed saray totood Israel.”

Maung a Balita Biblia

¹¹ Inyan kod Timplo so Kaban na Sipanan a nankarga na saray tapyak a bato a tanda na impisipanay Katawan ed saray totood Israel.

2 Saray Awaran 6:11 Referans Kwoze

2 Saray Awaran 5:10

Anggapoy karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray totood Israel nen tataynanan day Egipto.

2 Saray Awaran 5:7

Insan saray papari inawit dad dalem na Timplo so Kaban na Sipanan na Katawan tan inyan dad Sankasantosan a Pasen, diad silong na saray payak da ra may kirubin.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

1 Saray Arari 8:21

Nanggawa ak met na pasen ed Timplo a pangiliraan na Kaban na Sipanan a nankarga na saray tapyak a bato a tanda na impisipanay Katawan ed saray lalaki tayo nen impaway to ra ed Egipto.”

1 Saray Arari 8:9

Anggapoy arum a karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray Israelita nen tataynan day Egipto.

Exodo 40:20

Insan to inala ra may duaran tapyak a bato tan inyan to rad dalem na Kaban na Sipanan. Insorub tod saray liken na Kaban iray tiken tan inlira tod tapew na Kaban imay sakub.

2 Saray Awaran 6:10

“Sinumpal natan na Katawan yan sipan to: sinalatan kon manarid Israel si amak a David, tan nipaalagey koy timplon pangigalangan ed Katawan a Dios na Israel.

2 Saray Awaran 6:12

Kayari to ya, diad arap na saray totoo, nanalagey si Solomon ed arap na altar tan intagey to ray lima to a nampikasi. (

Saray Salmo 50:5

Ibabaga to: “Tipon yod arap ko iray matoor a totook, saray akisipanan ed siak diad impangisaklang day bagat.”