2 Saray Awaran 5:7 - Maung A Balita Biblia

⁷ Insan saray papari inawit dad dalem na Timplo so Kaban na Sipanan na Katawan tan inyan dad Sankasantosan a Pasen, diad silong na saray payak da ra may kirubin.

Maung a Balita Biblia

⁷ Insan saray papari inawit dad dalem na Timplo so Kaban na Sipanan na Katawan tan inyan dad Sankasantosan a Pasen, diad silong na saray payak da ra may kirubin.

2 Saray Awaran 5:7 Referans Kwoze

Saray Salmo 132:8

Katawan, gala pad Timplo a kaibam so Kaban na Sipanan, say tanda na pakayarim, tan manayam ka dian anggad angga.

2 Saray Awaran 4:20

saray panangipatoonan na lamparaan, tan saray lamparaan a puron balituk a selselan irad arap na Sankasantosan a Pasen onung ed plano;

1 Saray Awaran 22:19

Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.”

2 Saray Awaran 5:4

Nen akapantitipon lan amin iray pangulo, inalsa na saray Levita so Kaban na Sipanan

2 Saray Awaran 5:6

Si Ari Solomon tan amin da ray totood Israel nantitipon irad arap na Kaban na Sipanan tan angibagat ira na amayamay a karniro tan baka ya ag ira nabilang lapud karakel da.

2 Saray Awaran 5:8

Saray akabuskag a payak da ra may kirubin et asakbungan da may kaban tan saramay tiken a panagsakbatan.

2 Saray Awaran 6:11

Inyan kod Timplo so Kaban na Sipanan a nankarga na saray tapyak a bato a tanda na impisipanay Katawan ed saray totood Israel.”

Ezekiel 41:4

Sinukat to may kuarto, et kuadradon labinanem a mitro so kaawang to. Walad labas na samay kuartod pegley so sayan kuarto. Insan inkuan ed siak na samay laki, “Sikato yay Sankasantosan a Pasen.”

2 Saray Awaran 35:3

Binilin to met iray Levita a bumabangat na Israel a nisaklang iran manlingkur ed Katawan. Inkuantod sikara, “Iyan yoy masanton Kaban na Sipanan ed Timplo ya impaalagey nen Ari Solomon a lakin anak nen David. Ag yo la natan saksakbaten ya iyalis-alis, no ag ta panlingkuran yoy Katawan a Dios yo tan saray totoo ton Israel.