2 Saray Awaran 5:2 - Maung A Balita Biblia

² Insan impaawit nen Ari Solomon iray amin a pangulo na saray tribu tan saray boleg na Israel a mankakasakey irad Jerusalem, ta iyakar dad Timplo so Kaban na Sipanan na Katawan manlapud Sion, say Siudad nen David.

Maung a Balita Biblia

² Insan impaawit nen Ari Solomon iray amin a pangulo na saray tribu tan saray boleg na Israel a mankakasakey irad Jerusalem, ta iyakar dad Timplo so Kaban na Sipanan na Katawan manlapud Sion, say Siudad nen David.

2 Saray Awaran 5:2 Referans Kwoze

2 Samuel 6:12

Nadngelan nen Ari David a lapud Kaban na Sipanan, binindisionan na Katawan so pamilya nen Obed-edom tan amin a kayaryan to. Kanyan inala toy Kaban na Sipanan ed abung nen Obed-edom, ta iyakar ton malikeliket ed Jerusalem.

2 Saray Awaran 1:4

Diad saman a panaon balet, walad Jerusalem so Kaban na Sipanan; nisinup ed dalem na tuldan impaalagey nen Ari David nen inyakar ton manlapud Kiryat-jearim imay kaban.)

Saray Salmo 87:2

inaro to niy siudad na Jerusalem nen say dinan man a pasen ed Israel.

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

2 Saray Awaran 5:1

Nen asumpal nen Ari Solomon iray amin a kimey ed Timplo, inyan tod saray kuarton panagsinupan ed Timplo ya amin iray bengatlan insaklang nen ama ton David ed Katawan—saray pilak, balituk, tan saray arum a kagawaan.

1 Saray Awaran 28:1

Ingganggan nen David a mantitipon ed Jerusalem iray amin ya opisyal na Israel. Kanyan nantitipon ed Jerusalem iray amin ya opisyal na saray tribu, saray opisyal a pangulo na saray kimey ed nanarian, saray pangulo na saray boleg, saray makaoley ed saray amin a kayaryan tan ayayep na ari tan saray lalakin anak to, pati saray opisyal na palasio, saray matalonan sondalo, tan saray lalakin gagalangen ed baley.

1 Saray Awaran 26:26

Si Zelomit tan saray kabyangay pamilya to so makaoley ed amin da ray rigalon nisaklang ed Dios; saray angisaklang ed sarayan rigalo et di Ari David, saray pangulo da ray pamilya, saray pangulo da ray olup na boleg, tan saray opisyal da ray sondalo.

1 Saray Awaran 24:31

Say pangulo na balang pamilya tan say sakey ed saray yogtan ton lalaki so akipalaranan diad impangamta rad saray kimey da a singa ginagawa met na saray kakanayon dan papari a kabyangay boleg nen Aaron. Saray tasi ed sayan impanpapalaranan da et di Ari David, Sadoc, Ahimelec, tan saray pangulo na saray pamilya da ray papari tan saray pamilya da ray Levita.

1 Saray Awaran 24:6

Nansosoblayan a nampapalaranan iray kabyangay boleg nen Eleazar tan saray kabyangay boleg nen Itamar. Inlista ra nen Semaya, say sikritario na saray Levita tan sikatoy lakin anak nen Natanael. Saray tasi ed sayan impangilista et say ari, saray opisyal to, si Sadoc a pari, si Ahimelec a lakin anak nen Abiatar, saray pangulo na saray pamilya da ray papari tan saray pamilya da ray Levita.

1 Saray Awaran 16:1

Inyakar da may Kaban na Sipanan ed tuldan imparaan nen David tan inyan dad dalem to. Insan angisaklang irad Dios na saray bagat a popoolan tan saray bagat a para kareenan.

1 Saray Awaran 15:25

Kanyan si David, saray pangulo na Israel, tan saray pangulo na sondalo et malikeliket iran linma ed abung nen Obed-edom, ta alaen da may Kaban na Sipanan.

1 Saray Awaran 15:12

Inkuantod sikara, “Sikayo ray pangulo na saray boleg na Levita. Linisan yo onung ed ganggan so sikayon dili tan saray kapara yon Levita, pian nayarian yon awiten so Kaban na Sipanan na Katawan a Dios na Israel ed pasen ya imparaan kon panginan.

2 Samuel 5:7

Balet dinakep nen David so tirinsira na Sion, kanyan nagmaliw ya atawag na “Siudad nen David.”)

Saray Bilang 10:36

Kapag ontonda, ikuanen Moises, “Katawan, pawil ka pad saray libo-libon pamilya na Israel.”

Saray Bilang 10:33

Nen tinaynan na saray totoo so Sinai a mansanton palandey, nanakar iran taloy agew. Wala lawas ed onaan da imay Kaban na Sipanan na Katawan a mananap na pasen a pankampuan da.

Levitico 9:5

Inyakar dad arap na Tulda ira may amin ya ingganggan nen Moises ya awiten da, tan nantitipon diman iray amin ya Israelita ta igalang da so Katawan.

1 Saray Awaran 15:1

Si David angipaalagey ed Siudad nen David na saray abung a para sikaton dili. Angiparaan met na pasen a para Kaban na Sipanan na Dios tan impaalageyan to na tulda.

1 Saray Awaran 15:3

Kanyan impantitipon nen David ed Jerusalem iray amin a totoo, ta iyakar da may Kaban na Sipanan ed pasen ya imparaan ton panginan.