2 Saray Awaran 5:10 - Maung A Balita Biblia

¹⁰ Anggapoy karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray totood Israel nen tataynanan day Egipto.

Maung a Balita Biblia

¹⁰ Anggapoy karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray totood Israel nen tataynanan day Egipto.

2 Saray Awaran 5:10 Referans Kwoze

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

2 Saray Awaran 6:11

Inyan kod Timplo so Kaban na Sipanan a nankarga na saray tapyak a bato a tanda na impisipanay Katawan ed saray totood Israel.”

Exodo 19:5

Natan, no onuren yo ak tan sumpalen yoy impisipanan ko, magmaliw kayon dilin totook. Kayaryan koy sankamundoan, balet magmaliw kayon pinilik a totook.

Deuteronomio 29:1

Diad impisipanan na Katawan saraya so ingganggan to ed kinen Moises ya ipasumpal ed saray Israelita nen wala rad dalin na Moab; amin da ra ya et kaaruman na samay impisipanan na Katawan ed sikara diad Palandey na Sinai.

Exodo 40:20

Insan to inala ra may duaran tapyak a bato tan inyan to rad dalem na Kaban na Sipanan. Insorub tod saray liken na Kaban iray tiken tan inlira tod tapew na Kaban imay sakub.

Exodo 34:1

Say Katawan kuantod kinen Moises, “Manabas ka na duaran tapyak a bato a singa saramay inmona, ta itatak kod sikara iray salitan nitatak ed saramay inmonan duaran tapyak a bato ya imbetag mo.

Exodo 32:19

Nen asingger lay Moises ed kampo tan nabantag to la may bakan kalakyan tan saray totoon mansasayaw-sayaw, mapalaloy impakapasnuk to. Dimad alusadsar na palandey imbantak to ra may awit ton tapyak a bato, et apisagpisag ira.

Exodo 31:18

Nen asumpal na Dios so akisalita ed kinen Moises diad tagey na Palandey na Sinai, inter tod kinen Moises so duaran tapyak a bato ya angitatakan na dilin Dios na saray ganggan.