2 Saray Awaran 4:7 - Maung A Balita Biblia

^7-8 Nanggawa na samploran balituk a panangipatoonay lamparaan onung na gendat a panaggawa tan samploran lamisaan, insan to ra inyan ed manonan kuarto na Timplo. Limaran panangipatoonan tan limaran lamisaan so niiyan ed baybay a dapag tan saray arum diad abalaten a dapag. Nanggawa met na sanlasus a yaung.

Maung a Balita Biblia

^7-8 Nanggawa na samploran balituk a panangipatoonay lamparaan onung na gendat a panaggawa tan samploran lamisaan, insan to ra inyan ed manonan kuarto na Timplo. Limaran panangipatoonan tan limaran lamisaan so niiyan ed baybay a dapag tan saray arum diad abalaten a dapag. Nanggawa met na sanlasus a yaung.

2 Saray Awaran 4:7 Referans Kwoze

1 Saray Arari 7:49

saray samploran panangipatoonan na lamparaan a wala rad arap na Sankasantosan a Pasen, limaray walad bandad abalaten tan limaray walad bandad baybay; sary rosas, saray lamparaan, tan saray sipit;

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

1 Saray Awaran 28:12

Inter to met ed sikato iray plano na nununoten ton pakagawa ed saray solar tan saray kuartod kaliber-liber da, tan saray kuarton panagsinupan na saray kagawaan ed Timplo tan saray rigalon nisaklang ed Katawan.

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: saray pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Saray Hebreo 8:5

Say kimey da ra yan papari et sakey labat a kaparpara tan aninoy walad tawen. Ontan met ed kinen Moises; nen gapoan ton ipaalagey so Tuldan Sipanan, inkuay Dios ed sikato, “Apiapiger mon ipaalagey, pian nagawaan moy amin a bengatla onung ed samay planon nipanengneng ed sika diad tapew na palandey.”

1 Saray Awaran 28:19

Inkuanen Ari David, “Amin da ra ya et wala rad plano a nisulat onung ed saray bilin na dilin Katawan a gawaen ko.”

1 Saray Awaran 28:15

say balang lamparaan tan say balang panangipatoonan na lamparaan,

1 Saray Arari 7:39

Inyan tod abalaten na Timplo so limara, diad baybay iray arum a limara; inyan tod abalaten a bokig imay kawa a dipositoway danum.

1 Saray Awaran 28:14

Imbaga to no kaunongay pilak tan balituk ya ikana ed panggawad saray ikakana ed Timplo,