2 Saray Awaran 4:6 - Maung A Balita Biblia

⁶ Nanggawa met na samploran palanggana, limara so nipasen ed abalaten na Timplo tan limara diad baybay. Ikana ran panorasan ed saray parti na ayayep ya isaklang a bagat a popoolan. Samay danum ed baleg a kawa et ikana na saray papari a panoras.

Maung a Balita Biblia

⁶ Nanggawa met na samploran palanggana, limara so nipasen ed abalaten na Timplo tan limara diad baybay. Ikana ran panorasan ed saray parti na ayayep ya isaklang a bagat a popoolan. Samay danum ed baleg a kawa et ikana na saray papari a panoras.

2 Saray Awaran 4:6 Referans Kwoze

1 Saray Arari 7:38

Nanggawa met si Hiram na samploran kawa; sansasakey ira may kariton. Duaran mitro so benlag na sakey, tan mankargay duan lasus a galon.

Ezekiel 40:38

Diad patio ed paway walay paalagey ya akasiping ed dalan na puirtad dalem diad baybay a dapag. Akalokas ya ed lolooban a kuarto ya akaarap ed patio, tan dia da oorasan iray lamay ayayep ya ibagat dan popoolan.

Saray Salmo 51:2

Orasan mo ak pad amin a kaogsan ko tan linisan mo ak pad amin a kasalanan ko!

1 Saray Arari 7:40

Nanggawa met si Hiram na saray banga, pala, tan saray palanggana. Asumpal ton amin iray kimey tod Timplo na Katawan, tan para si Ari Solomon. Nia ray ginawa to: Saray duaran lusek Saray duaran singa yaung ya olo na saramay duaran lusek ed toktok na olo na saramay lusek Saray golunggolung a balibalin imbaliber ed kapag olo-olo Saray apat a lasus a gansan granada a nidasig ya amidwa ed talonton, ya asanlasus so kapag olo na saray lusek Saray samploran kariton Saray samploran palanggana Say kawa Saray labinduan bakan kalakyan ya ampatot na kawa Saray banga, pala, tan saray yaung Pinasileng a gansa ira yan amin a kagawaan na Timplo, a ginawa nen Hiram para si Ari Solomon.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

Saray Hebreo 9:23

Kinaukolan a naorasan ed sarayan bagat ira yan kaparpara na saray bengatlan walad tawen, balet magmaung ni ran bagat nen saraya so kaukolan da ray mangatatawen a bengatla.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

2 Saray Awaran 4:2

Nanggawa met na malimpek a gansan kawa; duaran mitroy kaaralem to, limaran mitroy kaawang to, tan labinliman mitroy kinalimpek to.

Levitico 1:13

Samay too et nepeg ton orasan iray loob-loob tan saray sali, insan samay pari iyapay tod Katawan imay bagat tan poolan ton intiro ed tapew na altar. Makapaliket ed Katawan so balingit na sayan bagat.

Levitico 1:9

Samay too et nepeg ton orasan iray loob-loob tan saray sali, insan say parin mangibabagat poolan tod tapew na altar imay intiron bagat. Makapaliket ed Katawan so balingit na sayan bagat.

Exodo 29:4

“Iyakar mo ra di Aaron tan saray anak to diad lolooban na Tuldan ayaman ko tan ames mo ra onung ed ganggan.

Exodo 30:17

Say Katawan kuantod kinen Moises,