2 Saray Awaran 34:4 - Maung A Balita Biblia

⁴ Diad panangiwanwan to dinederal na saray totoo to iray altar a panangigalangan ed kinen Baal, inggegeba da ray kaabay dan altar a panagpoolan na insinso. Minemekmek da ya anggad dinmabuk iray talintao nen Asera tan saray arum a talintaoy diriyos, insan intatayak day dabuk ed saray lobuk da ray totoon nambabagat ed sarayan diriyos.

Maung a Balita Biblia

⁴ Diad panangiwanwan to dinederal na saray totoo to iray altar a panangigalangan ed kinen Baal, inggegeba da ray kaabay dan altar a panagpoolan na insinso. Minemekmek da ya anggad dinmabuk iray talintao nen Asera tan saray arum a talintaoy diriyos, insan intatayak day dabuk ed saray lobuk da ray totoon nambabagat ed sarayan diriyos.

2 Saray Awaran 34:4 Referans Kwoze

Exodo 32:20

Inala to may bakan ginawa ra, tinonaw to, tinemek ton singa pulbo, inlauk tod danum, insan to impainom ed saray Israelita.

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Saray Salmo 18:42

Mekmekmeken ko ra, et magmaliw iran singa dabuk ya ititikyab na dagem. Gagatinan ko ran singa pitek ed saray dalan.

2 Saray Awaran 34:7

Diad intiron Nanarian ed Baybay, dinederal to ray altar tan saray tanda na Asera, minemekmek to ya anggad dinmabuk iray talintaoy diriyos, tan tinetemek ton amin iray altar a panagpoolan na insinso. Insan pinmawil ed Jerusalem.

2 Saray Awaran 33:3

Pinapasimbalo ton impaalagey iray paganon pasen a panangigalangan a dinederal nen Ezekias ya ama to. Nanggagawa na saray altar a panangigalangan ed Baal, saray talintao na diosan Asera, tan inggagalang to ray bitewen.

2 Saray Awaran 14:5

Walay kareenan ed nanarian legan na impanoley to lapud inekal tod amin a siudad na Juda iray paganon pasen a panangigalangan tan saray altar a panagpoolay insinso.

Deuteronomio 9:21

Inalak imay makapakasalanan a talintaon ginawa yo—samay mital a bakan kalakyan—tan imbontuk kod apoy. Insan ko tinemektemek ya anggad dinmabuk, tan imbantak ko may dabuk ed kolus ya onaagos ed leksab na palandey.

Deuteronomio 7:25

Poolan yo ray talintaoy diriyos da. Ag yo pampipilalekan a nakayaryan yo ray balituk odino pilak ya akasolung ed sikara. Ag yo ra aalaen a para sikayo. No alaen yo ran para sikayo, magmaliw iran patit ed sikayo, lapud kabosul na Katawan so pangigalang ed talintaoy dios.

Deuteronomio 7:5

Kanyan sirin, igeba yo ray altar da, deral yo ray masanton baton lusek da, batang yo ray tanda na diosa ran Asera, tan poolan yo ray talintaoy diriyos da.

Exodo 23:24

Ag kayo ondadakmomo odino mangigagalang ed saray diriyos da, tan ag yo aaligen iray kagagawa rad panangigalang da. Deral yo ray diriyos da tan igeba yo ray masanton lusek da a bato.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

2 Saray Awaran 33:22

Nanggagaway kaogsan ed arap na Katawan a singa si ama ton tan Manases, inggagalang to ray talintaoy diriyos ya inggalang nen ama to.

Mikias 1:5

Nagawa ra yan amin lapud nankasalanan iray totood Israel tan sinmumpa rad Dios. Siopay natetel ed insumpa na Israel? Say Samaria a dilin manonan siudad! Siopay nankasalanan na pididios ed talintao da ray diriyos diad Juda? Say Jerusalem!

1 Saray Arari 13:2

Diad panangonur tod Katawan imay propita, inkuanto, “O altar, altar, onyay inkuan na Katawan: Nianak ed pamilya nen David so sakey a lakin ogaw a manngaran na Josias. Pateyen tod tapew mo ray paparin managlingkur ed saray paganon altar tan mangibabagat irad sika; poolan to met ed tapew mo ray pokel na inaatey a totoo.”

2 Saray Awaran 30:14

Inaala da ray amin ya altar ed Jerusalem ya angisasaklangan na saray bagat tan amopoolan na insinso, insan da ra imbantak ed Patar na Cedron.

2 Saray Awaran 31:1

Kayari na pista, amin da ray totood Israel linma rad balang siudad na Juda tan minemekmek da ray baton lusek, binabatang da ray tanda na diosan Asera, tan dinederal da ray altar tan saray paganon pasen a panangigalangan. Onya met so ginagawa ra ed arum a pasen na Juda tan diad saray dalin na Benjamin, Efraim, tan Manases, insan la ra sinmempet.

2 Saray Awaran 34:33

Dinederal nen Ari Josias iray amin a makapaingungot a talintaon walad dalin a kayaryan na saray totood Israel. Legan na impanbilay to, pinatoluk to ray totoo a manlingkur ed Katawan a Dios na saray lalaki ra.