2 Saray Awaran 34:3 - Maung A Balita Biblia

³ Nen kumawalon taon na panooley nen Ari Josias, nen ogaogaw ni, ginapwan to lan inggalang so Dios na laki ton Ari David. Kayariy apat taon ginapwan ton dinederal iray pasen a panangigalangan na saray pagano, saray tanda na diosan Asera, tan saray arum nin talintaoy diriyos.

Maung a Balita Biblia

³ Nen kumawalon taon na panooley nen Ari Josias, nen ogaogaw ni, ginapwan to lan inggalang so Dios na laki ton Ari David. Kayariy apat taon ginapwan ton dinederal iray pasen a panangigalangan na saray pagano, saray tanda na diosan Asera, tan saray arum nin talintaoy diriyos.

2 Saray Awaran 34:3 Referans Kwoze

2 Saray Awaran 33:22

Nanggagaway kaogsan ed arap na Katawan a singa si ama ton tan Manases, inggagalang to ray talintaoy diriyos ya inggalang nen ama to.

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

Probirbio 8:17

Inarok iray mangaarod siak; narumog ak na saray maseet a manaanap ed siak.

2 Saray Awaran 33:17

Anggaman ya intuloy na saray totoo so nambabagat ed saray arum a pasen a panangigalangan, say Katawan labat so angibagatan da.

2 Timoteo 3:15

Amtam a nanlapud impanogaw mo, akabatan mo lay Masanton Sulat a makaiter ed sikay kakabatan a mansumpal ed kilalalaban diad panamegley na pananisiad Cristo Jesus.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Ecclesiastes 12:1

Kanyan nunot yoy Manamalsa yo legan a wala ki nid kalangweran, kasakbayan ya onsabi ray magunigon ya agew tan taon ya ikuanyo, “Ag ak la manliliket ed sayan bilay.”

Saray Salmo 119:9

Panon a napansiansia na tobun-balo so bilay ton malinis? Diad panamegley na pangonur tod saray ganggan mo.

2 Saray Awaran 30:14

Inaala da ray amin ya altar ed Jerusalem ya angisasaklangan na saray bagat tan amopoolan na insinso, insan da ra imbantak ed Patar na Cedron.

1 Saray Awaran 29:1

Inkuanen David ed amin da ray totoon nantitipon, “Si Solomon ya anak ko so pinili na Dios, balet malangwer ni tan daiset niy asalsali tod panagbilay. Baleg a tuloy so kimey a gawaen, ta aliwa yan palasio na saray totoo, no ag ingen sakey a Timplon para Katawan a Dios.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

1 Saray Awaran 22:5

Ninunot nen David, “Say Timplon ipaalagey na anak ton Solomon et nepeg a sankaabigan tan bantug ed intiron mundo. Balet malangwer ni tan aliwa nin dakel so asalsali tod panagbilay, kanyan nepeg kon iparaan iray ikana.” Kanyan kasakbayan ya inatey si David imparaan to ni so amayamay ya ikanad pamaalagey na Timplo.

2 Saray Arari 23:14

Minekmek nen Ari Josias iray baton lusek, binatang tod sengeg so masanton tiken a nisaklang ed diosan Asera, insan to tinabunan na pokel da ray inaatey so dalin a niletnegan da.

2 Saray Arari 23:4

Insan ingganggan nen Josias so Pangulon Pari a si Helcias, saray mananulong ton papari, tan saray nipasen a guardia ed lolooban na Timplo ya ipaway dad Timplo iray amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin diad paway na siudad diad asingger ed Patar na Cedron, insan to impaiyakar ed Betel so dapul da.

2 Saray Arari 18:4

Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

1 Saray Arari 13:2

Diad panangonur tod Katawan imay propita, inkuanto, “O altar, altar, onyay inkuan na Katawan: Nianak ed pamilya nen David so sakey a lakin ogaw a manngaran na Josias. Pateyen tod tapew mo ray paparin managlingkur ed saray paganon altar tan mangibabagat irad sika; poolan to met ed tapew mo ray pokel na inaatey a totoo.”

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

2 Saray Awaran 34:33

Dinederal nen Ari Josias iray amin a makapaingungot a talintaon walad dalin a kayaryan na saray totood Israel. Legan na impanbilay to, pinatoluk to ray totoo a manlingkur ed Katawan a Dios na saray lalaki ra.

Mikias 1:5

Nagawa ra yan amin lapud nankasalanan iray totood Israel tan sinmumpa rad Dios. Siopay natetel ed insumpa na Israel? Say Samaria a dilin manonan siudad! Siopay nankasalanan na pididios ed talintao da ray diriyos diad Juda? Say Jerusalem!

2 Saray Arari 10:27

Dineral da sirin so masanton lusek tan say timplo, insan da ginawan kasilyas—a wadman ni ya anggad natan.

2 Saray Arari 20:5

ya ompawil ed kinen Ezekias, say manoley na totoo na Katawan, ta ikuantod sikato, “Say Katawan kuantod sika: Siak, say Katawan a Dios na lakim a David, et nadngel koy pikakasim tan anengneng koy interter na luam. Paabigen ta ka, tan diad kumatlon agew onla kad Timplo.

2 Saray Awaran 14:6

Legay impanoley to pinadir to ray siudad na Juda. Pigay taon ya anggapoy bakal, lapud initdan na Katawan si Asa na kareenan.

2 Saray Awaran 33:15

Ineekal tod Timplo iray diriyos na arum a bansa tan samay talintaon inyan tod man nen saman. Ineekal to met iray paganon altar a walad pokdul a panalalageyan na Timplo tan diad saray arum a pasen ed Jerusalem; inyakar tod paway na siudad ira yan ineekal to, insan to ra imbabantak.

Saray Salmo 71:5

Katawad a Dios, sikay paniilaloan ko; nanlapud impanbalolakik, sikay panmamatalkan ko.

Probirbio 20:11

Anggan say ogaw ipapanengneng toy inkasikato diad panamegley na saray gawgawa to; nibagam no sikato kasi et matwa tan maung.