2 Saray Awaran 33:8 - Maung A Balita Biblia

⁸ No onuren na saray totood Israel ya amin iray bilin ko, tan sumpalen day intiron Ganggan ya inter ed sikara nen Moises ya aripen ko, ag ko ra abuloyan a napataynan ed dalin ya inter kod saray lalaki ra.”

Maung a Balita Biblia

⁸ No onuren na saray totood Israel ya amin iray bilin ko, tan sumpalen day intiron Ganggan ya inter ed sikara nen Moises ya aripen ko, ag ko ra abuloyan a napataynan ed dalin ya inter kod saray lalaki ra.

2 Saray Awaran 33:8 Referans Kwoze

2 Samuel 7:10

Amili ak na sakey a pasen a para saray totook ya Israel tan impanayam ko rad man ya ag la ra nasigensigen. Nanlapu lad inloob dad sayan dalin, dinodogpaan ira na maruksan totoo, balet ag la ya nagawad sikara. Isipan kon iyagel ta kad saray kalaban mo, tan parakelen ko ray kabyangay boleg mo.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

1 Saray Awaran 17:9

Amili ak na sakey a pasen a para saray totook ya Israel tan impanayam ko rad man ya ag la ra nasigensigen. Nanlapu lad inloob dad sayan dalin, dinodogpaan ira na maruksan totoo, balet ag la ya nagawad sikara. Isipan kon taloen ko ray amin a kalaban mo, tan parakelen ko ray kabyangay boleg mo.

Deuteronomio 27:26

“‘Napelag komun so samba na Dios ed siopaman ya ag mangonur ed amin a ganggan tan bangat na Dios.’ “Insan onebat iray amin a totoo, ‘Amen!’

Deuteronomio 8:1

“Pampelengan yon onuren iray amin a ganggan ya inter kod sikayo natad sayan agew, pian mansiansia kayon mambilay, ondakel kayo, tan napanayaman yoy dalin ya insipan na Katawan ed saray lalaki yo.

Deuteronomio 5:31

Balet sika, Moises, tilak ka ni dia, ta iter kod sika ray amin a ganggan tan bilin ko. Ibangat mod saray totoo, pian naonur da ra no wala la rad dalin ya iter kod sikara.’

Deuteronomio 5:1

Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Levitico 10:11

Nepeg yo met ya ibangat ed saray totood Israel iray amin a ganggan ya inter kod sikara diad panamegley nen Moises.”

Levitico 8:36

Kanyan si Aaron tan saramay anak to sinumpal day amin ya ganggan na Katawan diad panamegley nen Moises.

2 Saray Awaran 33:9

Inlagyat nen Manases iray totood Juda a mankasalanan na ambelat ni nen saray kasalanan a ginagawa da ray totoon pinapataynan na Katawan legan a mankukurang iray totoo to.

Jeremias 7:7

No sumpalen yo ra ya, abuloyan ta kayon manayam ed sayan dalin ya inter kon magnayon a kayaryan na saray lalaki yo.