2 Saray Awaran 33:7 - Maung A Balita Biblia

⁷ Angyan na sakey a talintao ed Timplo. Onyay inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem, diad ed sayan Timplo, so pasen a pinilik ed amin da ray lugar na labinduan tribu na Israel a pangigalangan ed siak.

Maung a Balita Biblia

⁷ Angyan na sakey a talintao ed Timplo. Onyay inkuan na Katawan ed kinen David tan si Solomon a lakin anak to nipaakar ed sayan Timplo: Diad Jerusalem, diad ed sayan Timplo, so pasen a pinilik ed amin da ray lugar na labinduan tribu na Israel a pangigalangan ed siak.

2 Saray Awaran 33:7 Referans Kwoze

2 Saray Awaran 33:4

Nanggawad Timplo na saray altar a panangigalang na saray pagano, anta say Timplo so pasen ya imbaga na Katawan a pangigalangan ed sikato.

2 Saray Awaran 7:16

Pinilik tan pinasantok yan Timplo a sikatoy pasen a pangigalangan ed siak diad ando lan ando. Bantayan ko lawas tan iyagel kod amin a panaon.

Saray Salmo 78:68

Ingen pinili toy tribu nen Juda tan say Palandey na Sion ya inararo to.

2 Saray Awaran 33:15

Ineekal tod Timplo iray diriyos na arum a bansa tan samay talintaon inyan tod man nen saman. Ineekal to met iray paganon altar a walad pokdul a panalalageyan na Timplo tan diad saray arum a pasen ed Jerusalem; inyakar tod paway na siudad ira yan ineekal to, insan to ra imbabantak.

2 Saray Awaran 6:6

Balet natan pinilik so Jerusalem a pasen a pangigalangan ed siak, tan pinili ta ka, David, a manoley ed saray totook.’”

2 Saray Arari 23:6

Inekal tod Timplo so masanton tiken a nisaklang ed Asera, impaway tod siudad tan inyakar tod Patar na Cedron, pinoolan to, minekmek to ya anggad nagmaliw a dapul, insan to impokopuk ed kamposantoy karaklan.

1 Saray Arari 11:32

Natilak ed kinen Solomon so sakey a tribu lapud aripen kon David tan lapud Jerusalem, say siudad a pinilik ed intiron dalin na Israel.

1 Saray Arari 11:13

Ag ko ekalen ed sikatoy intiron nanarian; ingen mangikera ak na sakey a tribu, lapud kinen aripen kon David tan lapud Jerusalem a pinilik a siudad ko.”

1 Saray Arari 8:48

No diad saman a dalin et petepeteg tan masimoon iran magbabawi tan mampikasi ran akaarap ed sayan dalin ya inter mod saray lalaki mi, diad sayan siudad a pinilim tan diad sayan Timplo ya impaalagey kon para sika,

1 Saray Arari 8:44

“No iganggan mo ray totoom ya onla ran mibakal ed saray kalaban da et mampikasi rad sika iner man so kawalaan da ya akaarap irad sayan siudad a pinilim tan diad sayan Timplo ya impaalagey kon para sika,

1 Saray Arari 8:29

Bantayan mo pad agew tan labi yan Timplo, say pasen a pinilim a pangigalangan ed sika. Dengel mo ak pa sirin legan kon mampipikasi ya akaarap ed sayan Timplo.

1 Saray Arari 9:3

Inkuan na Katawan ed sikato, “Nadngel koy pikakasim. Pasantosen ko yan Timplon impaalagey mo, ta sikatoy pasen a pangigalangan ed siak diad ando lan ando. Asikasoen tan iyagel ko ed anggan anton panaon.

Jeremias 7:30

“Nanggawa na sakey a kaogsan iray totoo ed Juda. Inyan dad dalem na Timplok iray karimdimlak a talintaoy diriyos da, kanyan dinotakan da.

Exodo 20:4

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Saray Huis 17:3

Impawil nen Micaya imay kuarta, insan inkuanen ina to, “Pian ag ondapod anak ko imay samba, masimoon kon isaklang ed Katawan yan kuartan pilak. Ikanak ed panggawad kiew a talintao a naokupay pilak. Kanyan natan ipawil kod sika yay kuarta.”

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

2 Saray Awaran 6:5

‘Manlapud samay agew ya impangipaway kod Egipto ed saray totook, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak tan ag ak nampili na siopaman a mangipangulod saray totook ya Israelita.