2 Saray Awaran 33:6 - Maung A Balita Biblia

⁶ Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

Maung a Balita Biblia

⁶ Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Awaran 33:6 Referans Kwoze

2 Saray Awaran 28:3

nampopool na insinso ed Patar na Hinom; tan insaklang ton bagat a popoolan ed saray talintaoy diriyos so anggan saray dilin anak ton lalaki, ta inalig toy makapaingungot a kaogaliyan na saray totoon pinataynan na Katawan legan a mankukurang iray Israelita.

2 Saray Arari 21:6

Insaklang ton bagat a popoolan so lakin anak to. Nambubuyon tan nampaparles tan nampapanon ed saray panagpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

Levitico 20:6

No walad sikayoy onkerew na simbawa ed saray midium tan diad saray manangipanon ed saray ispiritu na inaatey, sumpaen ko tan ag ko la ibilang a sakey ed saray totook.

Levitico 19:31

“Ag kayo miaalay simbawa ed saray totoon manangipanon ed saray ispiritu na inaatey. No gawaen yo ya, magmaliw kayon marotak onung ed ganggan. Siak so Katawan a Dios yo.

Levitico 19:26

“Ag kayo mangakan na karnin nandala ni. Ag kayo manggagawa na antokaman a panagbuyon odino panagsalamangka diad pananulong na maoges ya ispiritu.

Levitico 18:21

Ag mo aabuloyan a saray anak mo et nikana ra ed pangigalang ed diyos-diyos a Moloc, ta mangipelag ya ed kababaingan na ngaran na Dios.

Isaias 8:19

Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, “Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.”

1 Saray Awaran 10:13

Inatey si Saul lapud aliwan matoor ed Katawan. Ag to inonur iray ganggan na Katawan; sinali toy kinmerew na pangiwanwan ed saray ispiritu na inaatey

TAGA GALACIA 5:20

panangigalang ed saray talintaoy diriyos, panaganito, pambobosulan, panlalaban, paniimonan, pampepetangay olo, pantatalonaan, pambabalingaan tan pansisiblangay grupo ed sakey a grupo,

Ezekiel 23:39

Diad samay agew na impamatey dad saramay anak kon imbagat dad saray talintao, linma rad Timplok tan dinotakan da!

Ezekiel 23:37

Akikaloguran ira tan amatey ira—akikaloguran irad saray talintaoy diriyos tan pinatey da ray anak dad siak. Imbabagat dad saray talintaoy diriyos da iray anak kon lalaki.

Isaias 19:3

Pagmaliwen kon andi-kakanaan iray plano na Egipsio tan deralen koy kalakal da. Kerewen dan tulongan ira na saray talintaoy diriyos da tan mangipanon irad saray midyum tan mikerew irad saray inaatey na simbawa.

2 Saray Arari 23:24

Pian nasumpal nen Ari Josias iray ganggan a nisulat ed libron nalmo na Pangulon Pari a si Helcias diad dalem na Timplo, pinataynan tod Jerusalem tan diad intiron Juda iray amin a manangipanon ed saray ispiritu na inaatey tan amin a managpalar, tan inekal to ray diriyos ed abung, saray talintao, tan amin a bengatlan igagalang na saray pagano.

2 Saray Arari 23:10

Ginawa met nen Ari Josias ya andi-kabaliksan so Tofet, say pasen na panangigalangan na saray pagano diad Patar na Hinom, pian anggapo lay makapangisaklang ed dios a Molec na anak ton laki o bii.

2 Saray Arari 17:17

Insaklang dan bagat a popoolan ed saray paganon diriyos iray anak dan lalaki tan bibii; angipanonan da ray manangipanon ed saray ispiritu na inatey tan saray managparles, tan sigput dan ginawa ray maoges ed arap na Katawan, kanyan impanpasnuk da.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

Deuteronomio 12:31

Ag yo ipapara so panangigalang yod Dios yo ed panangigalang da ed saray diriyos da, ta diad panangigalang dad saray diriyos da gagawaen da ray amin a makapaingungot a kabosul na Katawan. Ibabagat da ni ingen ed apoy na saray altar da iray anak da.

Levitico 20:27

“Siopamay laki odino biin mangipanon ed saray ispiritu na inaatey et nepeg a tupaken ya anggad ag to ipatey; siopaman a manggawad saya sikaton dili so makasengeg na ipatey to.”

Jeremias 32:35

Nanggagawa ra na saray altar a para Baal diad Patar na Hinnom, a pangibagatan dad dios a Moloc na saray anak dan lalaki tan bibii. Ag ko ingganggan ed sikara a gawaen day onya, tan ag anggan sinmebang ed kanunotan ko a gawaen da man a makapaingungot a bengatla, pian pankasalananen da ray totood Juda.”

1 Saray Arari 16:33

Nanggawa met na talintao nen diosan Asera. Pinalumbasan ton nankasalanan iray amin ya ararid Israel ya akaonan nanoley nen say sikato, lapud saray ginagawa ton maoges ya amasnukay Katawan a Dios na Israel.