2 Saray Awaran 33:3 - Maung A Balita Biblia

³ Pinapasimbalo ton impaalagey iray paganon pasen a panangigalangan a dinederal nen Ezekias ya ama to. Nanggagawa na saray altar a panangigalangan ed Baal, saray talintao na diosan Asera, tan inggagalang to ray bitewen.

Maung a Balita Biblia

³ Pinapasimbalo ton impaalagey iray paganon pasen a panangigalangan a dinederal nen Ezekias ya ama to. Nanggagawa na saray altar a panangigalangan ed Baal, saray talintao na diosan Asera, tan inggagalang to ray bitewen.

2 Saray Awaran 33:3 Referans Kwoze

Deuteronomio 16:21

“No manggawa kayo na altar a para Katawan a Dios yo, ag yo iyaabay so kiew a tanda na diosan Asera.

Deuteronomio 17:3

diad panamegley na pangigagalang tan panlilingkur tod saray diriyos odino diad agew odino diad bulan odino diad saray bitewen, a sumlang ed ganggan na Katawan,

2 Saray Awaran 31:1

Kayari na pista, amin da ray totood Israel linma rad balang siudad na Juda tan minemekmek da ray baton lusek, binabatang da ray tanda na diosan Asera, tan dinederal da ray altar tan saray paganon pasen a panangigalangan. Onya met so ginagawa ra ed arum a pasen na Juda tan diad saray dalin na Benjamin, Efraim, tan Manases, insan la ra sinmempet.

2 Saray Awaran 30:14

Inaala da ray amin ya altar ed Jerusalem ya angisasaklangan na saray bagat tan amopoolan na insinso, insan da ra imbantak ed Patar na Cedron.

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

Jeremias 19:13

Magmaliw a marotak a singa Tofet iray kaabungan ed Jerusalem tan saray kaabungan na saray ararid Juda, tan saray kaabungan a diad saray toktok da so nampopoolan na saray insinson para saray bitewen, tan diman met so angibungan na saray iinomen a bagat ed saray diriyos.”

Ecclesiastes 9:18

Dakel nin kaabigan so nagawaan na kakabatan nen say nagawaan na saray armas a para bakal, balet say sakey a makasalanan baleg a kaabigan so naderal to.

2 Saray Arari 18:4

Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

Saray Gawgawa 7:42

Lapud sayan ginawa ra, imbeneg iray Dios tan pinaolyan to ran mangigalang ed saray bitewen ed tawen, onung na nisulat ed libro da ray propita: ‘Totood Israel, aliwan siak so angisaklangan yod saray pinapatey tan imbabagat yon ayayep legan yon walad kalawakan ed loob na apataploy taon.

Jeremias 17:2

Saray totoom et mangigagalang ira diad saray altar tan saray tanda a nipaalagey para si diosan Ashera diad abay na masalumpapak a kiew, diad toktok na saray pokdul,

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Ecclesiastes 2:19

Nayarin makabat odino makulang-kulang so onsalat ed siak—siopay makaamta? Kayaryanen ton amin iray nansagputan ko tan nalmoan kod sayan mundo lapud kakabatan ko. Andi-kakanaan ya amin.

2 Saray Awaran 32:12

Sikatoy nandederal ed saray pasen a panangigalangan tan saray altar, insan to imbagad saray totood Juda tan Jerusalem a mangigalang tan mampool ira na insinso ed saksakey ya altar labat.

2 Saray Arari 23:11

Inekal to met iray kabayon insaklang na saray ararid Juda diad pangigalang ed agew, insan pinoolan to ray karwahin inkakana ed sayan panangigalang. (Nikolung tan niiyan ira yan kabayo tan karwahi diad dalem na patioy timplo ya asingger ed puirta tan ag arawid ayaman nen Natanmelec a sakey a manonan opisyal.)

2 Saray Arari 21:3

Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

1 Saray Arari 14:23

Nanggagawa ra na saray pasen a pangigalangan ed saray tila-tilan diriyos, saray baton lusek, tan saray talintao nen diosan Asera diad toktok na saray pokdul tan diad silong na saray masalumpapak a kiew.

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

2 Saray Arari 23:4

Insan ingganggan nen Josias so Pangulon Pari a si Helcias, saray mananulong ton papari, tan saray nipasen a guardia ed lolooban na Timplo ya ipaway dad Timplo iray amin a kagawaan ya ikakanad pangigalang ed Baal, diosan Asera, tan saray bitewen. Pinoolan na ari ira yan amin diad paway na siudad diad asingger ed Patar na Cedron, insan to impaiyakar ed Betel so dapul da.

2 Saray Awaran 28:24

Likud ed saya, inaala ton amin iray kagawaan na Timplo, insan to ra minemekmek. Kinaputan toy Timplo insan nanggagawa na saray altar ed amin a pasen na Jerusalem.

2 Saray Awaran 33:15

Ineekal tod Timplo iray diriyos na arum a bansa tan samay talintaon inyan tod man nen saman. Ineekal to met iray paganon altar a walad pokdul a panalalageyan na Timplo tan diad saray arum a pasen ed Jerusalem; inyakar tod paway na siudad ira yan ineekal to, insan to ra imbabantak.

2 Saray Awaran 33:19

Say pikakasi na ari tan say ebat na Dios ed sayan pikakasi, saray ginagawa ton kasalanan tan kaogsan kasakbayan a nagbabawi—saray ginagawa ton pasen a panangigalangan na saray pagano tan saray tanda na diosan Asera, tan saray talintaoy diriyos ya inggagalang to et nikorit iran amin ed Say Awaran da ray Propita.

2 Saray Awaran 34:25

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, et ag ombetel.

Jeremias 7:30

“Nanggawa na sakey a kaogsan iray totoo ed Juda. Inyan dad dalem na Timplok iray karimdimlak a talintaoy diriyos da, kanyan dinotakan da.