2 Saray Awaran 32:8 - Maung A Balita Biblia

⁸ Walad sikatoy pakayari na too, balet walad sikatayoy Katawan a Dios tayo ya ontulong ed sikatayo tan milaban ed saray pibakalan tayo.” Apabiskeg so linawa da ray totoo lapud sarayan balikas na ari ra.

Maung a Balita Biblia

⁸ Walad sikatoy pakayari na too, balet walad sikatayoy Katawan a Dios tayo ya ontulong ed sikatayo tan milaban ed saray pibakalan tayo. Apabiskeg so linawa da ray totoo lapud sarayan balikas na ari ra.

2 Saray Awaran 32:8 Referans Kwoze

Jeremias 17:5

Say Katawan kuanto, “Dusaen koy toon onarawid siak, tan manmatalek ed too, tan diad biskeg na saray ompatey a totoo.

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

2 Saray Awaran 20:15

Inkuanen Jahaziel, “Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.

2 Timoteo 4:17

Balet inibaan tan pinabiskeg ak na Katawan, kanyan ayarian kon impulong a sigput so salita, pian narengel na saray amin a Hintil; tan nilaban ak ed sangiy lion.

Saray Gawgawa 18:10

ta iibaan ta ka. Anggapoy maniwit ed sika, ta amayamay iray totook ed sayan siudad.”

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

1 Juan 4:4

Anak, kayaryan kayoy Dios tan tinalo yo ray tila-tilan propita, ta say Ispiritu a walad sikayo et makapanyari nen say ispiritu a walad mundo.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

2 Saray Awaran 13:12

Say Dios a dili so pangulo mi, tan wadya ray papari to ya akaparaan lan mamaknul na saray trumpita diad panawag dad sikamin mibakal. Totood Israel, ag yo komun lalabanan so Katawan a Dios na saray lalaki yo! Ag kayo manalo!”

Deuteronomio 20:4

Say Katawan a Dios et olupen to kayo, tan panaloen to kayo.’

Probirbio 12:25

Say kapagaan napaandi toy liket mo, balet saray marakep a salita paliketen da ka.

2 Saray Awaran 20:20

Diad kabkabwasan ed ontombuk ya agew saray totoo linma rad kalawakan ya asingger ed Tecoa. Legan dan oonla, nanalagey si Josafat tan kuantod sikara, “Totood Juda tan Jerusalem! Manmatalek kayod Katawan a Dios yo, et ag kayo napasoner. Manisia kayod saray ibabaga da ray propita to, et manalo kayo.”

2 Saray Awaran 14:11

Nampikasid Katawan a Dios to si Asa, “O Katawan, anggapoy miparad sika; nayarian mon tulongan iray makapoy tan saray makapanyari. Tulongan mo kami pa natan, O Katawan a Dios mi, lapud manmamatalek kamid sika tan, diad ngaran mo, pinmaway kamin mibakal ed sarayan amayamay a sondalo. Katawan, sika so Dios mi; anggapoy makapanilalon manalod sika.”

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Isaias 36:18

Ag yo dedengeley Ezekias no ibaga tod sikayon iyagel kayoy Katawan, ta papalikdoen to kayo labat. Wala tay dios na dinan man a bansa ya inyagel tod impirador na Asiria so dalin to?

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

Say Libro nen Job 40:9

Mabiskeg ka nen say siak? Ondadalagorug so bosis mo a singa bosis ko?

2 Timoteo 4:22

Niwala komun ed ispiritum so Katawan. Nawalaan kayo komuy bindision na Dios.

2 Saray Awaran 32:15

Ag kayo la sirin patitilaan odino papaibalang ed kinen Ezekias. Ag yo sisigsiaen! Anggapoy dios na anggan anton bansa ya akayarin angyagel ed saray totoo to ed pakayari na siopaman ya impirador na Asiria. Kanyan andi-duaruwan ag kayo niagel na satay dios yo!”

Josue 10:42

Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

1 Samuel 17:45

Inmebat si David, “Onla kan milaban ed siak a sankaawit moy ispada, doyuk, tan pika, balet onla ak ed sikan milaban diad ngaran na Katawan a Makapanyarin-amin, say Dios na saray sondalon Israelita a sinagyat mon milaban.

2 Saray Arari 6:16

“Ag ka natatakot,” ebat nen Eliseo. “Dakel niy walad dapag tayo nen say walad sikara.”

1 Saray Awaran 5:22

Amayamay iray pinapatey dan kalaban da, lapud linawa na Dios imay bakal. Nanayam irad saman a dalin ya anggad inkibantak dad arum a bansa.

2 Saray Awaran 16:7

Diad saman a panaon linmad kinen Ari Asa si propita Hanani tan kuanto, “Lapud aliwan say Katawan a Dios mo so nanmatalekan mo no ag ingen say ari na Siria, imbatikan ka na saray sondalo na ari ed Israel.

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

Saray Salmo 118:8

Maung ni so manmatalek ed Katawan, nen say manmatalek ed too.

Jeremias 42:11

Ag kayo la ontatakot ed ari na Babilonia. Ag yo tatakotan, ta wala ak ed sikayo; iyagel ta kayod pakayari to.

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Exodo 4:31

Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Deuteronomio 20:3

‘Lalaki na Israel, dengel kayo! Natad sayan agew onla kayon mibakal. Ag kayo ontatakot ed saray kalaban yo, ag yo papakapoyey linawa yo, tan ag kayo natataranta.

2 Saray Arari 18:5

Nanmatalek ed Katawan a Dios na Israel si Ezekias; say Juda ag awalaan na arin singa sikato, anggan saray ararin akaona o tinmombuk ed sikato.

2 Saray Awaran 14:10

Pinmaway a milaban ed sikato si Asa. Diad Patar na Sefata ya asingger ed Maresa so namparaanan dan dua a mambakal.

Isaias 30:32

Legan a say Katawan et kakabilen to ya andi-tonda iray taga Asiria, andi-tonda met so panogtog na saray totoo na saray tambol tan saray arpa. Say dilin Katawan so onlaban ed saray taga Asiria.

Isaias 31:3

Aliwan Dios iray taga Egipto—totoo ra labat. Aliwan makapanyari iray kabayo ra. No onggalaw so Katawan, natumba so mabiskeg a bansa tan say tinulongan ton makapoy a bansa. Naderal iran dua.