2 Saray Awaran 32:7 - Maung A Balita Biblia

⁷ “Mampabiskeg kayo tan ag yo patatalawey linawa yo; ag yo tatakotan so impirador na Asiria odino saray sondalon ipapangulo to. Mabiskeg niy pakayarin walad sikatayo nen say pakayarin walad sikato.

Maung a Balita Biblia

⁷ Mampabiskeg kayo tan ag yo patatalawey linawa yo; ag yo tatakotan so impirador na Asiria odino saray sondalon ipapangulo to. Mabiskeg niy pakayarin walad sikatayo nen say pakayarin walad sikato.

2 Saray Awaran 32:7 Referans Kwoze

2 Saray Arari 6:16

“Ag ka natatakot,” ebat nen Eliseo. “Dakel niy walad dapag tayo nen say walad sikara.”

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

1 Juan 4:4

Anak, kayaryan kayoy Dios tan tinalo yo ray tila-tilan propita, ta say Ispiritu a walad sikayo et makapanyari nen say ispiritu a walad mundo.

2 Saray Awaran 20:15

Inkuanen Jahaziel, “Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.

2 Saray Arari 18:30

Ag yo aabuloyan a tangoyuren to kayon manmatalek ed Katawan. Ag yo komun nununoten ya iyagel kayo na Katawan tan ag to abuloyan a dakepen na saray sondalo na Asiria so siudad yo.

Zacarias 8:9

“Mampabiskeg kayoy linawa! Narerengel yo natan ira may salitan imbabaga na saray propita diad samay panaon a nililira so pundasion diad pamapasimbaloy kipaalagey na Timplo.

Isaias 35:4

Ibaga yod balang sakey a toon nakalay biskeg na linawa, “Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.”

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Zacarias 8:23

Diad saratan ya agew saray samploran sangkaili onla rad sakey a Judio tan ikuanda, ‘Mikasakey kamid sika, lapud nadngelan min walad sika so Dios.’”

Daniel 10:19

Inkuanto, “Inaro ka na Dios, kanyan ag ka natatakot no ag ingen mandeen ka tan pabiskeg moy linawam.” Kayari ton nansalita, lalon binmiskeg ak tan inkuanko, “Ibagam ed siak so labay mon ibaga. Pinabiskeg mo ak?”

Deuteronomio 31:23

Insan say Katawan akisalitad kinen Josue a lakin anak nen Nun tan inkuantod sikato, “Pabiskeg moy linawam tan manmatalek ka. Ipangulom iray Israelita ya onlad dalin ya insipan kod sikara, et olupen ta ka.”

2 Timoteo 2:1

Sika, anak kon Timoteo, mampabiskeg kad panamegley na panangasin agamuran tayo diad pikakasakey ed Cristo Jesus.

1 Saray Awaran 28:10

Nepeg mon nunoten a say Katawan pinili to kan mangipaalagey na masanton Timplo to. Pabiskeg moy linawam—ipaalagey mo.”

1 Saray Awaran 22:13

Onaligwas ka no apigeren mon onuren iray amin a ganggan a para Israel ya inter na Katawan ed kinen Moises. Mampabiskeg ka tan pakpel moy linawam, tan ag mo aabuloyan a napatakot kay antokaman.

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

2 Saray Awaran 16:7

Diad saman a panaon linmad kinen Ari Asa si propita Hanani tan kuanto, “Lapud aliwan say Katawan a Dios mo so nanmatalekan mo no ag ingen say ari na Siria, imbatikan ka na saray sondalo na ari ed Israel.

Saray Salmo 118:8

Maung ni so manmatalek ed Katawan, nen say manmatalek ed too.

Jeremias 42:11

Ag kayo la ontatakot ed ari na Babilonia. Ag yo tatakotan, ta wala ak ed sikayo; iyagel ta kayod pakayari to.

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

2 Saray Arari 18:5

Nanmatalek ed Katawan a Dios na Israel si Ezekias; say Juda ag awalaan na arin singa sikato, anggan saray ararin akaona o tinmombuk ed sikato.

2 Saray Awaran 15:7

Balet pabiskeg yoy linawa yo, tan ag yo pakakapoyey sikayon dili. Natumangan iray kimey yo.”

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

Nehemias 4:8

Kanyan nankokomplut iran ondogpa ed Jerusalem tan manggawa ray baleg a gewgew.