2 Saray Awaran 32:5 - Maung A Balita Biblia

⁵ Pinabiskeg na ari so siudad diad impangapiger tod padir, impamaalagey tod saray tori ed tapew na padir, tan impamaalagey to na kumadwan padir ed bandad paway. Inapiger to met imay pasen a tinabonan diad nibokig na daan a parti na Jerusalem, tan nampapagawa na amayamay a pika tan samper.

Maung a Balita Biblia

⁵ Pinabiskeg na ari so siudad diad impangapiger tod padir, impamaalagey tod saray tori ed tapew na padir, tan impamaalagey to na kumadwan padir ed bandad paway. Inapiger to met imay pasen a tinabonan diad nibokig na daan a parti na Jerusalem, tan nampapagawa na amayamay a pika tan samper.

2 Saray Awaran 32:5 Referans Kwoze

2 Saray Awaran 25:23

Adakep nen Joas si Amasias tan inawit tod Jerusalem. Inggeba tod man so padir na siudad manlapud Puirtay Efraim ya anggad Puirtay Sokung, sakey a sanlasus tan siamaplon mitroy karokey.

1 Saray Arari 9:24

Nen say biin anak na ari na Egipto ya asawa nen Solomon et akaalis lan manlapud Siudad nen David tan manaayam lad palasion impagawa nen Solomon para sikato, impatabunan nen Solomon so dalin a walad bokig na siudad.

2 Saray Arari 25:4

abongaw na saray kalaban so padir na siudad. Anggaman a nilakob na saray taga Babilonia so siudad, akabatik ed labi so ari tan amin da ray sondalo na Juda. Dinmalan irad puirtan nanleetan na duaran padir ya asingger ed tanamanan na ari. Batik iran amaarap ed Patar na Jordan.

2 Samuel 5:9

Kayarin adakep so tirinsira, nanayaman nen David tan inngaran to na “Siudad nen David.” Impaalagey toy siudad ed kaliber-liber na tirinsira; inggapo tod pasen a tinabonan diad bokig na pokdul.

Jeremias 39:4

Nen si Ari Sedekias na Juda tan amin da ray sondalo to et anengneng day agawa, sinali ran ibatikay siudad legay labi. Pinmaway irad tanamanan na ari, insan ira dinmalan ed puirtan nanleetan na saray duaran padir tan batik iran amaarap ed Patar na Jordan.

2 Saray Awaran 26:8

Angiter na saray rigalo iray Ammonita ed kinen Uzias. Nagmaliw a mapalaloy pakayari to kanyan kinmayat ya anggan diad Egipto so inkabantug to.

2 Saray Awaran 23:1

Kayariy anem taon, ginetma la nen Joiada a pari so onggalaw. Akipaknaan ed saray limaran opisyal na saray sanlalasus a sondalo, a di Azaria a lakin anak nen Jehoram, Ismael a lakin anak nen Jeohanan, Azaria a lakin anak nen Obed, Maasias a lakin anak nen Adaya, tan Elisafat a lakin anak nen Zicri.

2 Saray Awaran 12:1

Nen mabiskeg lan niletneg nen Roboam so panooley to, inkaindan to tan amin da ray totoo to so Ganggan na Katawan.

2 Saray Arari 12:20

Si Ari Joas nankokomplutan a nilabanan na saray opisyal to; duarad sikara, si Josacar a lakin anak nen Simeat tan si Jozabad a lakin anak nen Somer, so amatey ed sikato diad abung a nipaalagey ed pasen a tinabunan diad bokig na Jerusalem tan walad dalan a mamaarap ed Sila. Nipompon si Joas ed kamposanto da ray arari diad Siudad nen David, insan sinmalat a nanari si Amasias a lakin anak to.

1 Saray Arari 11:27

Onyay makasengeg na insumpa tod kinen Solomon. Mampapatabun na dalin nen saman si Solomon diad bokig na Jerusalem tan itutuloy ton pagaway padir na siudad.

Saray Huis 9:6

Insan nantitipon ya amin iray totood Sikem tan Bet-millo tan linma rad masanton kiew a robli ed Sikem, tan diman da impagmaliw ya ari si Abimelec.

Probirbio 25:28

No ag mo napokpokay sikan dili, singa ka siudad a mainomay a dogpaan lapud anggapoy padir to.

2 Saray Awaran 33:14

Kayari to ya, pinaatagey nen Manases so padir a walad bandad paway diad nibokig na Siudad nen David manlapud sakey a pasen ed patar ya asingger ed Sobul na Gihon diad baybay na Puirtay Sira tan diad Ofel a sakop na siudad. Angipasen met na opisyal na saray sondalo ed balang siudad ya aliber na padir.

Joel 2:8

odino mansasamsamay dalan. Seselaken day antokaman a tirinsira, et anggapoy makabaat ed sikara,