2 Saray Awaran 32:25 - Maung A Balita Biblia

²⁵ Balet ontan lay impanpaatagey nen Ezekias ta ag to anggan impanengneng so pisasalamat tod Katawan ya amaabig ed sikato. Lapud saya nanliknay kairapan iray totood Juda tan Jerusalem.

Maung a Balita Biblia

²⁵ Balet ontan lay impanpaatagey nen Ezekias ta ag to anggan impanengneng so pisasalamat tod Katawan ya amaabig ed sikato. Lapud saya nanliknay kairapan iray totood Juda tan Jerusalem.

2 Saray Awaran 32:25 Referans Kwoze

2 Saray Awaran 24:18

Tinondaan na saray totoo so mangigalang ed Timplo na Katawan, say Dios na saray lalaki ra, tan angigalang irad saray talintaoy diriyos tan saray talintaoy diosan Asera. Lapud sayan kasalanan na saray totood Juda tan Jerusalem, akapasnuk so Katawan ed sikara.

2 Saray Awaran 26:16

Balet nagmaliw a mapaatagey si Ari Uzias nen pinmalaloy pakayari to; sikato yay makasengeg na inkaderal to. Nileglemew to so Katawan a Dios to nen linmad Timplo a nampool na insinso ed tapew na altar a panagpoolay insinso.

2 Saray Awaran 32:31

Kanyan anggan nen sinmabi ray taga Babilonia a nibakin manosisad nidoma-doman agawa ed bansa to, inabuloyan na Dios si Ezekias a gawaen toy labay ton dili pian nasubok so petepeteg ya inkatoo to.

2 Samuel 24:1

Aminsan akapasnuk so Katawan ed Israel, kanyan tinanggoyur ton mangiter na gunigon ed saray Israelita si David. Inkuan na Katawan ed sikato, “Laka, ta bilang mo ray totood Israel tan Juda.”

2 Saray Arari 14:10

Natan sika, Amasias, tinalom la ray Edomita, kanyan mapaatagey ka la. Panliketan mo la tay inkabantug mo tan ditan ka lad nanarian mo. Akin et mangigagapo ka niy golo a pakaderalan mo tan saray totoom?”

Deuteronomio 8:17

Kanyan sirin, ag yon balut iisipen a minmayaman kayo lapud biskeg tan pakayari yon dili.

1 Timoteo 3:6

Ag met nayarin agano nin mananisiad Cristo, ta ag la pigan mampaatagey, et nadusan singa say Diablo.

2 CORINTO 12:7

Balet pian ag ak lalon mampaatagey lapud saray impuyan ed siak na Dios a makapakelaw iran bengatla, naitdan ak na sakit a liliknaey laman ko, a pinagkalewet nen Satanas a pamairap tod siak, pian ag ak magmaliw a mapaatagey.

Habacuc 2:4

Et sikato ya so kuanko: ‘Saray maoges a totoo et ag ira makapaliis ed patey, balet saray matonung mambilay ira lapud matoor ira ed Dios.’”

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Daniel 5:20

Balet lapud nagmaliw a mapaatagey, anawet so puso, tan maruksa si amam, niepas ed trono to tan nakalan na kagalangan.

Ezekiel 28:17

Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.

Ezekiel 28:5

Lapud kasiliban mod nigosio, binmaleg lan binmaleg so atubom. Mapalaloy panagpaatagey mo lapud inkayaman mo!

Ezekiel 28:2

Inkuanto, “Sika a toon ompatey, ibagam so ibabagak ed manoley na Tiro, siak a Katawan a Dios: Diad panagpaatagey mo, ibabagam a sakey kan dios. Ibabagam a singa ka sakey a dios a manyodyorung ed trono, ya aliber na saray dayat. Nayarin ipasen moy sikan dili a sakey a dios, balet aliwan tua, ta sakey kan too labat ya ompatey; aliwa kan Dios.

2 Saray Awaran 25:19

Sika, Amasias, ipapantam a tinalom la ray Edomita, balet ibabagak ed sika natan ya ag ka la onaalis ed nanarian mo. Akin et mangigagapo ka niy golo a pakaderalan mo tan saray totoom?”

2 Saray Awaran 19:2

Si propita Jehu a lakin anak nen Hanani inabet toy ari tan kuantod sikato, “Abaloan mo a maung a tulongan iray maoges a totoo, tan say migampi ed mamobusol ed Katawan? Diad impanggawam na onya, impanpasnuk mod sika so Katawan.

1 Saray Awaran 21:1

Nilabay nen Satanas ya itday gunigon iray totood Israel, kanyan tinangguyor toy David ya alaen toy bilang da.

2 Saray Arari 20:13

Maliket si Ezekias ya angawat ed saramay imbaki tan impanengneng ton amin iray kayamanan to—saray pilak tan saray balituk to, saray rikado tan saray pabalingit to, tan amin a kagawaan na saray sondalo to. Anggapoy ag to impanengneng ed sikara a bengatlan walad saray kuarton panagsinupan odino walad anggan iner a pasen na nanarian.

Deuteronomio 32:6

Onya so labay yon ibales ed Katawan, sikayon totoon makulang-kulang tan anggapoy liknaan? Sikato so ama yo ya amalsad sikayo, inletneg to kayo a sakey a bansa.

Isaias 39:2

Maliket si Ezekias ya angawat ed saramay imbaki tan impanengneng ton amin iray kayamanan to—saray pilak tan saray balituk to, saray rikado tan saray pabalingit to, tan amin a kagawaan na saray sondalo. Anggapoy ag to impanengneng ed sikara a bengatlan walad saray kuarton panagsinupan odino walad anggan iner a pasen na nanarian.

Ezekiel 31:10

“Natan sirin, siak a Katawan a Dios, ibagak ed sika no antoy nagawa ed sayan kiew a binmaleg ya anggad atokdul toy kaloreman. Diad imbaleg to pinmalalo met so panagpaatagey to;

2 Saray Arari 20:12

Diad legan to met yan panaon, say ari na Babilonia a si Merodac-baladan a lakin anak nen Baladan, et nadngelan to a nansakit si Ari Ezekias, kanyan impawitan to na sulat tan rigalo.

Isaias 39:1

Legan to yan panaon say ari na Babilonia a si Merodac-baladan a lakin anak nen Baladan et nadngelan ton nansakit si Ari Ezekias; kanyan impawitan to na sulat tan rigalo.

Daniel 11:12

Mampaatagey lapud impanalo to tan impamatey tod amayamay a sondalo, balet ag mansiansiay panalo to.