2 Saray Awaran 32:21 - Maung A Balita Biblia

²¹ Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

Maung a Balita Biblia

²¹ Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

2 Saray Awaran 32:21 Referans Kwoze

Saray Salmo 76:5

Naandian na asamsam iray masebeg a sondalo ra; tan natan nanaogip la ra na ogip na patey; anggapoy anggan sakey ed sikara so akapangikanay armas to.

Saray Gawgawa 12:23

Diad saman a bekta, kinabil na sakey ya anghil na Dios si Herodes lapud ag to pinagalangan so Dios. Binigis day laman to, insan inatey.

Daniel 6:22

Imbaki na Dios ko so anghil to ya amepet ed sangi da ray lion, pian ag da ak napasakitan. Ginawa to ya, ta amta to ya anggapoy kasalanan ko tan anggapoy maoges a ginawak ed sika, Kagalang ya Ari.”

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Isaias 37:21

Insan impaibaga nen Isaias ed kinen Ari Ezekias a diad impangebat na Katawan ed pikakasi na ari,

Isaias 36:9

Ag kayo makasimbang ed anggan sankaabebaan lan opisyal na Asiria, balet iilaloan yo a saray Egipsio et itdan da kayo na saray karwahi tan saray sondalon kumakabayo.

Isaias 10:8

Kuanto, “Ari so balang sakey a pangulo na saray sondalok!

Probirbio 16:18

Say panagpaatagey mansusumpal ed kaderal, tan say panaglastug, diad katumba.

Probirbio 11:2

Ag mabayag napelag ed kababaingan iray totoon mapaatagey. Makabat so toon mapaabeba.

Saray Salmo 132:18

Tabunan ko na kababaingan iray kalaban to, balet onaligwas so nanarian to.”

Saray Salmo 76:12

papaabebaen to ray mapaatagey a prinsipi, tan tataktakoten to ray arari diad tapew na dalin.

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Saray Salmo 18:50

Say Dios so mangiiter na saray pananalo ed arin impasen to; ag mangoomay panangaro tod toon pinili to, a si David tan diad saray kabyangay boleg to, diad ando lan ando.

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

2 Saray Arari 19:20

Insan impaibaga nen Isaias ed kinen Ari Ezekias a dinengel na Katawan so pikakasi na ari tan inebatan to.

2 Samuel 24:16

Nen ngalngali deralen na anghil na Katawan so Jerusalem, angoman na kanunotan so Katawan nipaakar ed panudusa tod saray totoo, kanyan kuantod samay anghil a mamapatey ed sikara, “Tondaan mo la! Duga la tan!” Samay anghil et walad abay na panagilikan nen Arauna a Jebuseo.

Daniel 3:28

Samay ari kuanto, “Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

2 Saray Awaran 32:20

Insan si Ari Ezekias tan si propita Isaias a lakin anak nen Amoz nampikasi rad Dios tan kinmerew iray tulong to.

2 Saray Awaran 32:22

Onya so impangyagel na Katawan ed kinen Ari Ezekias tan saray totood Jerusalem ed pakayari nen Senakerib ya impirador na Asiria, tan dia met ed pakayari na arum a kalaban da. Impanari na Katawan so kareenan ed amin a pasen.

Saray Salmo 44:15

Lawas lay pakapapaabebak; mapalalo lay pakababaingan ko,

Saray Salmo 76:6

Nen nampasnukan mo ra, O Dios nen Jacob, atumtumban inaatey iray kabayo tan saray akakabayo.

Isaias 14:25

Deralen kod dalin na Israel iray taga Asiria tan igatin-gatin ko rad kapalandeyan ko. Ekalen kod panamairap na taga Asiria iray totook tan saray ambelat a nipasakbat ed sikara.

Jeremias 21:2

“Isalitaan mo kami pa ed Katawan, ta babakalen kami nen Ari Nabucodonosor na Babilonia. Angangko manggawa para sikatayo na sakey ed saray milagro to, tan pasooten ton paseneren si Nabucodonosor.”