2 Saray Awaran 32:13 - Maung A Balita Biblia

¹³ Ag yo ta amta so ginagawa na saray lalakik tan siak ed saray totoo na arum a bansa? Ayarian ta na saray diriyos na arum a bansa ya inyagel ed impirador na Asiria so totoo ra?

Maung a Balita Biblia

¹³ Ag yo ta amta so ginagawa na saray lalakik tan siak ed saray totoo na arum a bansa? Ayarian ta na saray diriyos na arum a bansa ya inyagel ed impirador na Asiria so totoo ra?

2 Saray Awaran 32:13 Referans Kwoze

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

Saray Gawgawa 19:26

Nanenengneng tan narerengel yo met so gagawaen to man a Pablo. Ibabaga ton saray diriyos a gagawaey totoo et aliwa ran tuan diriyos. Amayamay la ray apanisia to, diad Efeso tan diad ngalngali intiron Asia.

Daniel 5:19

Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Daniel 4:30

inkuanto, “Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.”

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Isaias 10:14

Saray bansad mundo et singa ra obung na manok, tan inaalak iray kayamanan da; singa ak nanaalay iknul ed obung ya ataynan. Anggapoy namparakpak a payak ya anaktakot ed siak; anggapoy anggan inmonin manok a mamaarawid siak!”

2 Saray Awaran 32:19

Diad panagsalita ra impara ray Dios na Jerusalem ed saray diriyos na arum a totoo, saray talintaoy diriyos a ginagawa na limay too.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

2 Saray Awaran 32:14

Ayarian ta na saray diriyos na arum a bansa ya inyagel ed sikami so bansa ra? Anto sirin so ipapangaya yon niagel kayo na dios yo?