2 Saray Awaran 32:11 - Maung A Balita Biblia

¹¹ Ibabagad sikayo nen Ezekias a say Katawan a Dios yo so mangyagel ed sikayo ed pakayari mi, balet titilaan to kayo; paolyan to kayon ompatey ed eras tan inkapgaan.

Maung a Balita Biblia

¹¹ Ibabagad sikayo nen Ezekias a say Katawan a Dios yo so mangyagel ed sikayo ed pakayari mi, balet titilaan to kayo; paolyan to kayon ompatey ed eras tan inkapgaan.

2 Saray Awaran 32:11 Referans Kwoze

Mateo 27:43

Manmamatalek ed Dios tan inkuanto, ‘Siak so Anak na Dios!’ Nengnengen pa sirin no labay na Dios ya ilaban natan!”

Isaias 36:18

Ag yo dedengeley Ezekias no ibaga tod sikayon iyagel kayoy Katawan, ta papalikdoen to kayo labat. Wala tay dios na dinan man a bansa ya inyagel tod impirador na Asiria so dalin to?

Isaias 36:12

Inmebat imay opisyal, “Abaloan yo amon sikayo tan say ari yo labat so angibakian na impirador ed siak a pangibagaan kod sarayan amin a bengatla? Andi, mitotongtong ak met ed saray totoon manyodyorung ed tapew na padir, a kapara yo ran mangan na dilin tai ra tan oninom na dilin sirit da.”

Saray Salmo 71:11

Kuanda, “Inkaindan la na Dios! Osilan tayon erelen, ta anggapoy mangyagel ed sikato.”

Saray Salmo 42:10

Makapkapoy ak lad panagpabaing da, ta tepet la ran tepet ed siak, “Iner so kawalaay Dios mo?”

Saray Salmo 22:8

Kuanda, “Nanmatalek kad Katawan, Akin et ag to ka ilaban? No talagan inaro to ka, akin et ag to ka tulongan?”

Saray Salmo 3:2

Tongtongtongen da ak tan kuanda, “Ag tulongan na Dios.”

2 Saray Awaran 32:15

Ag kayo la sirin patitilaan odino papaibalang ed kinen Ezekias. Ag yo sisigsiaen! Anggapoy dios na anggan anton bansa ya akayarin angyagel ed saray totoo to ed pakayari na siopaman ya impirador na Asiria. Kanyan andi-duaruwan ag kayo niagel na satay dios yo!”

2 Saray Arari 19:10

na Juda, tan inkuantod sulat to, “Ag ka palilingod imbaga na dios a panmamatalkan mo ya ag ka napelag ed silong na pakaoley ko.

2 Saray Arari 18:30

Ag yo aabuloyan a tangoyuren to kayon manmatalek ed Katawan. Ag yo komun nununoten ya iyagel kayo na Katawan tan ag to abuloyan a dakepen na saray sondalo na Asiria so siudad yo.

2 Saray Arari 18:27

Inmebat imay opisyal, “Abaloan yo amon sikayo tan say ari labat so angibakian na impirador ed siak a pangibagaan kod sayan amin a bengatla? Andi, mitotongtong ak met ed saray totoon manyodyorung ed tapew na padir, a kapara yo ran mangan na dilin tai ra tan oninom na dilin sirit da.”

2 Saray Awaran 32:10

“Siak, Senakerib, say Impirador na Asiria, tetepeten kod sikayo ran totoo no antoy panmamatalkan yod pansiasiansia yod Jerusalem, anta nalalakob la?

2 Saray Awaran 32:12

Sikatoy nandederal ed saray pasen a panangigalangan tan saray altar, insan to imbagad saray totood Juda tan Jerusalem a mangigalang tan mampool ira na insinso ed saksakey ya altar labat.