2 Saray Awaran 30:8 - Maung A Balita Biblia

⁸ Ag yo papaaweten so puso yon singa sikara, no ag ingen toluk kayod Katawan. Dago kayod Timplo ed Jerusalem a pinasanton andi anggaan na Katawan a Dios yo. Igalang yo pian ag to kayo la pampasnukan.

Maung a Balita Biblia

⁸ Ag yo papaaweten so puso yon singa sikara, no ag ingen toluk kayod Katawan. Dago kayod Timplo ed Jerusalem a pinasanton andi anggaan na Katawan a Dios yo. Igalang yo pian ag to kayo la pampasnukan.

2 Saray Awaran 30:8 Referans Kwoze

2 Saray Awaran 29:10

“Ginetmak la natan a misipanan itayo ed Katawan, say Dios na Israel, pian ontonda lay pasnuk tod sikatayo.

Exodo 32:9

Amtak so inkaawet na olo da ra yan totoo.

Deuteronomio 10:16

Kanyan sirin, manlapud natan toluk kayod Katawan tan ekal yoy inkaawet na olo yo.

Puyan 7:15

Sikato yay makasengeg no akin et wala rad arap na trono na Dios tan agew-labin manlilingkur irad sikato diad timplo to. Samay akayorung ed trono so mangasikasod sikara, diad panamegley na kiwawala to.

Saray Taga Roma 10:21

Balet nipaakar ed Israel, inkuanto, “Sanagew ya inyonat ko ray limak diad pantawag kod saray totoon ag mangoonur tan onsusumlang ed siak.”

Saray Taga Roma 6:22

Balet natan ta nablus ki lad kasalanan tan aripen ki lay Dios, say agunggona yo say masanton bilay a mansumpal ed bilay ya andi-anggaan.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Saray Salmo 78:49

Pinadalan tod sikara so ontan lan kairapan diad impangidapo toy mapalalon pasnuk tan petang na olo ya imbaki to ran singa saray anghil a managpatey.

Saray Salmo 73:17

anggad linmoob ak ed Timplom. Atalusan kod satan no antoy pansumpalan da ray totoon maoges.

Saray Salmo 68:31

Onsabi ray imbahador a manlapud Egipto; itagey na saray taga Etiopia iray kalimaan da diad pampikasi rad Dios.

Saray Salmo 68:24

O Dios, nanenengneng na amin a totoo so parada na impanalom, say libot na Dios ya arik a mamapaarap ed santuario to.

Saray Salmo 63:2

Nanengneng ta ka komun ed santuario; ipanengneng mo pad siak so ontan lan pakayarim tan kagalangan mo.

Esdras 10:19

Insipan dan isian da ray kaasawaan da, insan angibagat iray sakey a karniron kalakyan a pangekal ed saray kasalanan da.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

2 Saray Awaran 28:13

Inkuanda, “Ag yo dia aawiten ira tan a priso! Mapalalo lay impankasalanan tayod Katawan kanyan dusaen to itayo la lapud sikatoy impanpasnuk tayo. Balet natan labay yo nin aruman so kasalanan tayo.”

2 Saray Awaran 28:11

Dengel yo ak! Agagi yo ra yay adakep yo. Papawil yo la ra, ta no andi dusaen kayo na Katawan diad pasnuk to.”

1 Saray Awaran 29:24

Saray amin ya opisyal tan saray amin a sondalo, tan saray amin a lalakin anak nen David et nansipan iran matoor ed kinen ari Solomon.

2 Saray Arari 23:26

Balet ag ni kinmepa ya anggad natan so mapalalon pasnuk na Katawan ed Juda lapud saray ginagawa nen Ari Manases.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

Deuteronomio 6:17

Pampelengan yon onuren iray amin a ganggan ya inter tod sikayo.

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Esdras 10:14

Patilak mo lad Jerusalem iray opisyal mi, ta sikara lay akaoley ed sayan pamaakaran. Insan balang sakey a walay asawa ton taga arum a bansa et onla dia ed niganan oras, a kaiba to ray pangulo tan saray huis na siudad to. Diad onya onkepa so pasnuk na Dios ed sayan agawa.”

Jeremias 50:15

Diad kaliber-liber to eyag kayoy para bakal sumpad sikato. Sinmuko la so Babilonia. Ageba tan alooban la ray padir to. Siak, so ombabawi ed saray taga Babilonia. Kanyan bawi kayod sikara, tan gawa yod sikaray singa ginawa rad arum.

2 Saray Awaran 6:5

‘Manlapud samay agew ya impangipaway kod Egipto ed saray totook, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak tan ag ak nampili na siopaman a mangipangulod saray totook ya Israelita.

2 Saray Awaran 6:6

Balet natan pinilik so Jerusalem a pasen a pangigalangan ed siak, tan pinili ta ka, David, a manoley ed saray totook.’”

2 Saray Awaran 7:16

Pinilik tan pinasantok yan Timplo a sikatoy pasen a pangigalangan ed siak diad ando lan ando. Bantayan ko lawas tan iyagel kod amin a panaon.