2 Saray Awaran 30:5 - Maung A Balita Biblia

⁵ kanyan inimbitaan da ray amin ya Israelita, manlapud Dan ed baybay ya anggad Beer-seba diad abalaten, ya onla ran amin ed Jerusalem ta silibraan day Paskua onung ed Ganggan, pian lalon dakel ira nen saray totoo ed inmoonan impansilibra ra.

Maung a Balita Biblia

⁵ kanyan inimbitaan da ray amin ya Israelita, manlapud Dan ed baybay ya anggad Beer-seba diad abalaten, ya onla ran amin ed Jerusalem ta silibraan day Paskua onung ed Ganggan, pian lalon dakel ira nen saray totoo ed inmoonan impansilibra ra.

2 Saray Awaran 30:5 Referans Kwoze

Saray Huis 20:1

Amin da ray totood Israel, manlapud Dan diad baybay ya anggad Beer-seba diad abalaten tan manlapud Galaad diad bokig, et inmebat irad tawag a mibakal ira. Nantitipon iran singa saksakey iran laman diad arap na Katawan diad Mizpa.

1 CORINTO 11:2

Idadayew ta kayo, ta nununoten yo ak lawas tan oonuren yo ray bangabangat kod sikayo.

Daniel 6:8

Kanyan, Kagalang ya Ari, ipaakseb mo komun yan ganggan tan pirmaan mo, et magmaliw a sakey a ganggan na saray taga Media tan Persia, tan ag balut naoman.”

2 Saray Awaran 36:22

Nen ononan taon na panooley ed Babilonia nen Impirador Ciro na Persia, imbaga na Katawan ed sikato a mangipaakseb na sakey a ganggan, paisulat to, insan to paibasay maksil ed inerman a pasen ed impirio. Agawa ya pian napatwa so imbaga na Katawan diad panamegley nen propita Jeremias.

2 Saray Awaran 35:18

Nanlapu lad samay panaon nen propita Samuel, anggapo niy singa onyan impansilibra na Paskua. Anggapoy arum ya arin nansilibra na Paskua a singa sayan impansilibra di Ari Josias, saray papari, saray Levita tan saray totood Juda, Israel, tan Jerusalem,

2 Saray Awaran 24:9

Impaibaga rad intiron Jerusalem tan Juda a balang sakey et nepeg ya iyakar tod Katawan imay buis ya ononan kinoliktad kalawakan nen Moises ya aripen na Dios.

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Levitico 23:4

Ibawag mo ray onggendan a pista ed saray niganan panaon.

Levitico 23:2

iray onggendan a totontonen a tombuken na saray totood Israel no mampista ra diad pangigalang dad Katawan.

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

2 Saray Awaran 30:4

Akaliket so ari tan saray totoo ed sayan plano ra