2 Saray Awaran 30:10 - Maung A Balita Biblia

¹⁰ Saramay ibabaki linma ra ed balang siudad na dalin na tribu di Efraim tan Manases, tan asabi ra so dalin na tribu nen Zabulon diad baybay, balet inelek-elekan ira na saray totoo tan niluludlurey da ra.

Maung a Balita Biblia

¹⁰ Saramay ibabaki linma ra ed balang siudad na dalin na tribu di Efraim tan Manases, tan asabi ra so dalin na tribu nen Zabulon diad baybay, balet inelek-elekan ira na saray totoo tan niluludlurey da ra.

2 Saray Awaran 30:10 Referans Kwoze

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

2 Saray Awaran 30:6

Lapud ganggan na ari tan saray opisyal to saray ibabaki linma rad intiron Juda tan Israel a sankaawit da yan imbitasion: “Totood Israel! Apaliisan yoy impanakep na saray taga Asiria ed dalin tayo. Natan pawil kayo ed Katawan, say Dios di Abraham, Isaac, tan Jacob, pian pawilen to kayo.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.

Saray Gawgawa 17:32

Nen nadngel day Pablo ya angibagay nipaakar ed kiolid bilay, niludlurey na pigarad sikara. Balet inkuay arum, “Labay mi ka lamet a dengelen nipaakar ed saya.”

Lucas 23:35

Manalalagey iray totood man tan bambantayan day Jesus; balet saramay opisyal na baley niludlurey da. Inkuanda, “Inlaban to ray arum. Ilaban to met komuy laman ton dili, no tuan sikatoy Cristo a piniliy Dios!”

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Lucas 8:53

Inelek-elekan da labat si Jesus, ta amta ran inatey la may ogaw.

Say Libro nen Job 12:4

Elek-elekan ak natan na anggan saray kakaarok, elek-elekan da ak anggaman a matonung ak tan anggapoy pakabalawan ed siak; balet walay panaon ya inebatan na Dios so pikakasik.

Say Libro nen Job 9:25

Manlulumbaan ya onlabas iray agew ko, anggapoy maabig ya anggan sakey ed sikara.

Ester 8:14

Lapud ganggan na ari, linmogan ed saray kabayo na ari iray nibakin mangibawag, tan pinakoyat da ra ed anggaay nayarian da. Samay ganggan nibawag met ed Susa, say manonan siudad.

Ester 8:10

Impaisulat ira nen Mardokeo diad ngaran nen Ari Asuero, tan minarkaan to ra na panagtimbri na ari. Linmogan ed saray mabatik a kabayo na ari iray angyakar ed saramay sulat.

Ester 3:15

Lapud ganggan na ari nipaamtad saray totood Susa, say manonan siudad imay ganggan. Saray ibabaki impasabi rad saray luyag so balita. Naninoman so ari tan si Haman, legan a nagegewgew so intiron siudad na Susa.

Ester 3:13

Sayan sulat et inyakar na saray ibabaki ed balang luyag na nanarian. Ibabaga na samay ganggan a pateyen ya amin iray Judio—malangwer may matakken, bibii may ogogaw—ed sakey ya agew, say kumalabintalon agew na Adar. Pateyen iran andi-panangasi tan alaen iray kayaryan da.

Nehemias 2:19

Balet nen nadngelan di Sanbalat, Tobias, tan Gesem ya Arabe so plano min gawaen, inelekelekan tan niluludlurey da kami. Inkuanda, “Anto tay gagawaen yo? Labanan yo la sirin so impirador?”

Genesis 19:14

Linmay Lot ed saramay lalakin mangasawad saray anak to, tan inkuanto, “Ganatan yoy onekal dia; deralen na Katawan yan lugar.” Balet abaloan dan manlulurey si Lot.

2 Saray Awaran 34:9

Nipalima ed kinen Hilcias a Pangulon Pari so kuarta ya akoliktad Timplo na saray Levitan guardia. (Sayan kolikta et iniiter na saray taga Efraim, Manases, tan saray arum nin pasen ed Nanarian ed Baybay tan saray taga Juda, Benjamin, tan Jerusalem.)

Jeremias 38:19

Balet inmebat si Ari Sedekias, “Antakot ak ed saray Judion akigampid saray taga Babilonia. Ompan siak so nipalimad sikara et pairapen da ak.”