2 Saray Awaran 3:8 - Maung A Balita Biblia

⁸ Say bandad dalem a kuarto, a tatawagey Sankasantosan a Pasen, et samploran mitro so karokey to tan samploran mitro so kaawang to a kaparay kaawang na Timplo. Duamplo tan liman tonilada a balituk so nikanan impanookup ed saray dingding na Sankasantosan a Pasen:

Maung a Balita Biblia

⁸ Say bandad dalem a kuarto, a tatawagey Sankasantosan a Pasen, et samploran mitro so karokey to tan samploran mitro so kaawang to a kaparay kaawang na Timplo. Duamplo tan liman tonilada a balituk so nikanan impanookup ed saray dingding na Sankasantosan a Pasen:

2 Saray Awaran 3:8 Referans Kwoze

Exodo 26:33

Sayan kurtina so ibitin mod saray panagkawit a nipeket ya arasig ed tarung na Tulda, tan iliram ed sanib to so Kaban na Sipanan a nankarga na duaran tapyak a bato. Say kurtina so ketegan na Masanton Pasen tan say Sankasantosan a Pasen.

Saray Hebreo 10:19

Kanyan, agagi, bolus ti lan onloob ed Sankasantosan a Pasen diad panamegley na impatey nen Jesus.

Saray Hebreo 9:9

Anino labat ira ya na sayan panaon. Labay to yan ibaga a saray bagat tan saklang ya iiter ed Dios et ag da nalinisan so konsinsia da ray mangigagalang.

Saray Hebreo 9:3

Say kumadwa, a walad biek na kumadwan kurtina, tatawagey Sankasantosan a Pasen.

1 Saray Arari 6:16

Agawad beneg na dalem na Timplo so bandad dalem a kuarto a tatawagen na Sankasantosan a Pasen. Diad kumaplon mitro manlapud beneg na Sankasantosan a Pasen kineteg na tablan sidro, manlapud datal ya anggad bubida.

Ezekiel 41:4

Sinukat to may kuarto, et kuadradon labinanem a mitro so kaawang to. Walad labas na samay kuartod pegley so sayan kuarto. Insan inkuan ed siak na samay laki, “Sikato yay Sankasantosan a Pasen.”