2 Saray Awaran 3:14 - Maung A Balita Biblia

¹⁴ Nanggawa met so ari na kurtinan para Sankasantosan a Pasen; ginawad pinon linen tan abel iran asul, purpura, tan ambalanga tan binordaan na indengan na saray kirubin.

Maung a Balita Biblia

¹⁴ Nanggawa met so ari na kurtinan para Sankasantosan a Pasen; ginawad pinon linen tan abel iran asul, purpura, tan ambalanga tan binordaan na indengan na saray kirubin.

2 Saray Awaran 3:14 Referans Kwoze

Saray Hebreo 9:3

Say kumadwa, a walad biek na kumadwan kurtina, tatawagey Sankasantosan a Pasen.

Saray Hebreo 10:20

Nilokasan ton para sikatayo so balo tan mabilay a dalan ya ontalus ed biek na kurtina, a salanti say laman to.

Mateo 27:51

Diad saman a bekta, apaldua so kurtina ed Timplo, manlapud tagey ya anggad saloy. Yinmegyeg so dalin, apisag iray bato,

Saray Bilang 4:5

Say Katawan inter to ray onggendan a bilin. No saray Israelita et onalis irad pankampoan da, onloob ed Tulda ira di Aaron tan saray anak ton lalaki, iyabeba ray kurtinad arap na Kaban na Sipanan insan da isakbung ed Kaban.

Exodo 38:18

Say kurtina na lolooban na Tulda et pinon linen; asul, purpura, tan ambalanga so tinebey to tan abordaan. Samploran yarda so benlag to tan duara tan kapalduan yarda so ondoy to, a singa saray kurtina na pinagkaalar.