2 Saray Awaran 28:5 - Maung A Balita Biblia

^5-6 Lapud nankasalanan si Ari Acaz, impatalo na Katawan a Dios to ed ari na Siria; amayamay a totoo na Juda so adakep na sayan ari tan insempet to ra ed Damasco. Si Acaz impatalo met na Katawan ed ari na Israel a si Peca a lakin anak nen Remalias; sanlasus tan duamplon libon sondalo na Juda so apatey na sayan ari ed loob na sakey agew. Say Katawan a Dios na saray lalaki ra et inyabuloy ton nagawa ya ed saray Judio, lapud inkaindan da.

Maung a Balita Biblia

^5-6 Lapud nankasalanan si Ari Acaz, impatalo na Katawan a Dios to ed ari na Siria; amayamay a totoo na Juda so adakep na sayan ari tan insempet to ra ed Damasco. Si Acaz impatalo met na Katawan ed ari na Israel a si Peca a lakin anak nen Remalias; sanlasus tan duamplon libon sondalo na Juda so apatey na sayan ari ed loob na sakey agew. Say Katawan a Dios na saray lalaki ra et inyabuloy ton nagawa ya ed saray Judio, lapud inkaindan da.

2 Saray Awaran 28:5 Referans Kwoze

Isaias 7:1

Ginmapoy bakal nen manaarid Juda si Ari Acaz a lakin anak nen Jotam tan apo nen Uzias. Say ari na Siria a si Rezin tan say ari na Israel a lakin anak nen Remalias et dinogpaan day Jerusalem, balet ag da adakep.

2 Saray Awaran 24:24

Daiset iray Sirianon sondalo, balet impatalo na Katawan iray amayamay a Judion sondalo lapud inkaindan na totoo so Katawan a Dios na lalaki ra. Onya so impakadusa nen Ari Joas.

Isaias 7:6

Pilalek dan nadakep so Juda, taktakoten a pigampien ed sikara iray totoo to, insan da payorungen ed trono so lakin anak nen Tabeel.

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

2 Saray Awaran 36:5

Duamplo tan limay taon nen Joakim nen nagmaliw ya ari na Juda, tan nanoley ed Jerusalem na labinsakey taon. Nanggagawa na kaogsan ed arap na Katawan a Dios to.

2 Saray Awaran 33:11

Kanyan inabuloyan na Katawan a looban na saray pangulo da ray sondalo na Asiria so Juda. Adakep day Manases, kinawetan da, binalur da na gansan golunggolung, insan da inawit ed Babilonia.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

2 Saray Awaran 29:9

Inaatey ed bakal iray lalaki tayo, adakep iray kaasawaan tan saray anak tayo tan niakar irad arum a bansa.

Ezekiel 16:57

tan kasakbayan na inkiparontal na kaogsan mo? Natan nagmaliw kan singa sikato—sikay lelemlemewen na saray Edomita, saray Filisteo, tan saray arum a kakaabay mon mamobusol ed sika.