2 Saray Awaran 28:21 - Maung A Balita Biblia

²¹ Kanyan inala nen Acaz iray kayamanan a walad Timplo, palasio, tan saray kaabungan da ray pangulo na totoo, insan to ra inter ed impirador na Asiria. Balet siansian ag to tinulongan.

Maung a Balita Biblia

²¹ Kanyan inala nen Acaz iray kayamanan a walad Timplo, palasio, tan saray kaabungan da ray pangulo na totoo, insan to ra inter ed impirador na Asiria. Balet siansian ag to tinulongan.

2 Saray Awaran 28:21 Referans Kwoze

2 Saray Awaran 12:9

Nilooban nen Ari Sisak so Jerusalem tan inala to ray kayamanan ed Timplo tan saray kayamanan ed palasio. Inala to ray amin a bengatla pati saramay balituk a samper a ginawa nen Ari Solomon.

Probirbio 20:25

Nunot mon maung kasakbayan a mangisipan kay ibagat mo ed Dios; ompan kabebekta et magbabawi ka.

2 Saray Awaran 16:2

Kanyan angala si Ari Asa na pilak tan balituk ed kayamanan na Timplo tan palasio, insan to imbakid Damasco iray pigaran opisyal to. Diad Damasco so panaayaman na ari ed Siria a si Ari Ben-hadad. Inter dad ari may pilak tan balituk, insan da sinalita so papaibaga nen Ari Asa:

Probirbio 25:19

Say panilalo no panaoy kairapan ed toon ag napanmatalkan et singa panggatgat na toon mantenyeg so ngipen to, odino panakar na toon lopuy so sali.

Jeremias 2:36

Nileglemew moy sikan dili diad insingger mod saray diriyos na arum a bansa. Dismayaen ka na Egipto a singa impanismayad sika na Asiria.

Oseas 5:13

“Nen anengneng na Israel so ontan lan pansasakit to, tan say Juda et anengneng to ray sugat to, linmay Israel ed Asiria, ta onkerew na tulong ed matalonggaring ya ari, balet ag to ra natambal odino napaabig iray sugat da.