2 Saray Awaran 28:11 - Maung A Balita Biblia

¹¹ Dengel yo ak! Agagi yo ra yay adakep yo. Papawil yo la ra, ta no andi dusaen kayo na Katawan diad pasnuk to.”

Maung a Balita Biblia

¹¹ Dengel yo ak! Agagi yo ra yay adakep yo. Papawil yo la ra, ta no andi dusaen kayo na Katawan diad pasnuk to.

2 Saray Awaran 28:11 Referans Kwoze

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Mateo 5:7

“Maliket iray mapangasi, ta kasian iray Dios!

Isaias 58:6

“Say labay kon panagayuno saya: Okbar yoy golunggolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

Esdras 10:14

Patilak mo lad Jerusalem iray opisyal mi, ta sikara lay akaoley ed sayan pamaakaran. Insan balang sakey a walay asawa ton taga arum a bansa et onla dia ed niganan oras, a kaiba to ray pangulo tan saray huis na siudad to. Diad onya onkepa so pasnuk na Dios ed sayan agawa.”

2 Saray Awaran 28:8

Anggaman a kadalaan da ray totoo na Juda saray totoo na Israel dinakep da so duanlasus libo a bibii tan ogogaw tan insempet da ra ed Samaria, a pati amayamay a bengatlan asamsam da.

2 Saray Awaran 28:12

Apatiran pangulon lalaki a taga ra Nanarian ed Baybay so sinmumlang met ed gagawaen na saray sondalo; sarayan apatiran lalaki et di Azarias a lakin anak nen Johanan, Berekias a lakin anak nen Mesillemot, Ezekias a lakin anak nen Sallum, tan Amasa a lakin anak nen Hadlai.

Saray Salmo 88:16

Dedetdetan ak na mapalalon petang na olom; dederalen ak na saray makapataktakot a panagkabil mo.