2 Saray Awaran 26:9 - Maung A Balita Biblia

⁹ Pinabiskeg nen Uzias so padir na Jerusalem diad impamaalagey to na saray tori ed Puritay Sokung, Puirtay Patar, tan diad saray nilikuan na padir.

Maung a Balita Biblia

⁹ Pinabiskeg nen Uzias so padir na Jerusalem diad impamaalagey to na saray tori ed Puritay Sokung, Puritay Patar, tan diad saray nilikuan na padir.

2 Saray Awaran 26:9 Referans Kwoze

Nehemias 3:13

Pinasimbalon impaalagey nen Hanun tan saray manaayam ed siudad na Zanoa so Puirta na Patar. Inlira da ray puirta, insan da inyan iray balewet a pangisarad puirta. Inapiger da met so apat a lasus tan apataplon mitro ed padir ya anggad Puirta na Deral-deral.

2 Saray Awaran 25:23

Adakep nen Joas si Amasias tan inawit tod Jerusalem. Inggeba tod man so padir na siudad manlapud Puirtay Efraim ya anggad Puirtay Sokung, sakey a sanlasus tan siamaplon mitroy karokey.

2 Saray Arari 14:13

Inawit nen Jehoas ya adakep si Amasias, tinmuloy ed Jerusalem, insan gineba toy padir na siudad manlapud Puirta na Efraim ya anggad Puirta na Suyok, a sanlasus tan siamaplon mitroy karokey to.

Zacarias 14:10

Napalanas so intiron dalin manlapud Geba diad baybay ya anggad Rimon diad abalaten. Say Jerusalem mansiansian ososdungan to ray dalin ed kaliber-liber to; say siudad sakopen toy pasen a manlapud Puirta nen Benjamin ya anggad Puirta na Suyok, a kawalaan nen saman na gendat a puirta, tan manlapud Tori nen Hananel ya anggad pespesan na ubas na ari.

Jeremias 31:38

“Onsabi so panaon,” kuay Katawan, “a napasimbalon nipaalagey a siudad ko so intiron Jerusalem, manlapud tori na Hananel ya anggad Puirta na Sokung.

Nehemias 3:32

Impaalagey na saray platiro tan saray negosianti so onsoblay a soldung na padir manlapud kuartod suyok ya anggad Puirta na Karniro.

Nehemias 3:24

Impaalagey nen Binui a lakin anak nen Henadad so onsoblay a soldung na padir manlapud abung nen Azarias ya anggad suyok na padir;

Nehemias 2:15

kanyan linma ak ed Patar na Adron tan nankabayo ak a nannenengneng ed padir. Insan ak pinmawil ed saramay dinadalan ko. Dinmalan ak ed samay Puirtay Patar nen pinmawil ak ed siudad.

Nehemias 2:13

Labi ni nen pinmaway ak ed siudad tan dinmalan ak ed Puirta na Patar diad sagur. Insan linma ak ed abalaten tan dinalan koy Bubon na Dragon nen tinmuloy ak ed Puirta na Dotak. Legan kon manaakar ninengneng ko ray atebagtebag a padir tan saray puirtan dinederal na apoy.