2 Saray Awaran 26:5 - Maung A Balita Biblia

⁵ Legan a mabilay si Zacarias, a sumisimbawa ton nipaakar ed itatakot ed Dios, matoor ton nilingkuran so Katawan, kanyan pinaaligwas na Dios.

Maung a Balita Biblia

⁵ Legan a mabilay si Zacarias, a sumisimbawa ton nipaakar ed itatakot ed Dios, matoor ton nilingkuran so Katawan, kanyan pinaaligwas na Dios.

2 Saray Awaran 26:5 Referans Kwoze

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

2 Saray Awaran 24:2

Legay impanbilay nen Joiada a pari, ginagawa nen Joas iray makapaliket ed Katawan.

1 Saray Awaran 22:13

Onaligwas ka no apigeren mon onuren iray amin a ganggan a para Israel ya inter na Katawan ed kinen Moises. Mampabiskeg ka tan pakpel moy linawam, tan ag mo aabuloyan a napatakot kay antokaman.

Daniel 5:16

Nadngelan ko a nayarian mon ipatalus so niamut iran kabaliksan tan nipaliwawam iray mistirio. No nabasam yan nisulat tan nibagam ed siak so kabaliksan to, kawesan ka na ambalangan kawes na ari, solungan ka na balituk a kolintas, tan magmaliw kan mikatlo ed sankatageyan a manoley diad nanarian.”

Daniel 10:1

Nen kumatlon taon na panaari nen Ciro ed Persia, sinmabid kinen Daniel a tatawagen met na Beltsasar so salita. Tua ra so salita, balet mapalalon mairap a talusan. Nipaliwawad sikato diad panamegley na sakey a pasingayew.

Daniel 2:19

Diad saman lamlamang a labi nipaamtad kinen Daniel so mistirio diad panamegley na pasingayew. Lapud saman indayew to so Dios na tawen:

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

2 Saray Awaran 25:8

Abaloan mo amon napabiskeg kan mibakal no kaibam ira, balet ipatalo ka na Dios ed saray kalaban mo. Walad sikatoy pakayari a panaloen odino ipatalo ka.”

Genesis 41:15

Inkuan na arid sikato, “Walay kogip ko, et anggapoy makapangipatalus. Abalitaan kon nayarian moy mangipatalus na kogip.”

Oseas 6:4

Balet say Katawan kuanto, “Israel tan Juda, antoy gawaen kod sikayo? Say panangaro yod siak et nanaandipat a singa kakaandipat na kelpad kabwasan; singa linaew a nanaandipat ed kabkabwasan.

1 Saray Awaran 22:11

Intuloy ya inkuanen David, “Natan, anak ko, mansiansia komun ed sika so Katawan a Dios mo, tan sumpalen to komun so sipan to a sikay mamaalagey na timplon para sikato.

Saray Huis 2:7

Legan a mabilay si Josue, nanlingkur ed Katawan iray totoo tan anggan kayariy impatey to, intuloy day nanlingkur legan a mabilay ni ray pangulon akanengneng na amin da ray makapakelaw a ginagawa na Katawan ed Israel.

Genesis 41:38

tan inkuantod sikara, “Anggapo lay naalmo tayon magmaung a too nen say si Jose, ta walad sikato so ispiritu na Dios.”

Saray Gawgawa 20:30

Onsabi met so panaon a wala rad sikayoy mantila a pamatombuk dad saray disipulo, pian nibalang da ra.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

2 Saray Arari 15:34

Ginagawa nen Jotam so makapaliket ed Katawan tan inalig to ray ginagawa nen Uzias.

2 Saray Awaran 26:4

Ginagawa toy makapaliket ed Katawan tan inalig toy ginagawa nen ama to.

2 Saray Awaran 27:6

Nagmaliw a lalon makapanyari si Jotam, lapud matoor ton inonur so Katawan a Dios to.

Josue 1:7

Pabiskeg mo labat so linawam tan manmatalek ka; pampelengan mon onuren so intiron Ganggan ya inter ed sika nen Moises ya aripen ko. Ag mo papaolyan ya onuren so anggan dinan a parti na sayan Ganggan et onaligwas ka ed anggan iner a laen mo.

Josue 1:8

Nepeg a pampelengan mo a say libro na Ganggan et nibasa lawas no mangigalang kayod siak. Aral mod agew tan labi, tan pampelengan mon onuren iray amin a nisulat. Diad satan onaligwas ka tan maung so pansumpalan mo.

2 Saray Awaran 14:6

Legay impanoley to pinadir to ray siudad na Juda. Pigay taon ya anggapoy bakal, lapud initdan na Katawan si Asa na kareenan.

2 Saray Awaran 29:1

Duamplo tan lima nen Ezekias nen nagmaliw ya ari na Juda, tan nanoley ed Jerusalem na duamplo tan siam taon. Si Abia ya anak nen Zacarias so ina to.

2 Saray Awaran 32:30

Si Ari Ezekias so anara na papawayan na Sobul na Gihon, insan to impaarap ya onagos ya anggad sakey a pasen ed dalem na saray padir na Jerusalem. Inmaligwas si Ezekias ed amin da ray ginagawa to.