2 Saray Awaran 26:22 - Maung A Balita Biblia

²² Inkorit nen propita Isaias a lakin anak nen Amoz iray arum a ginagawa nen Ari Uzias legan na impanoley to.

Maung a Balita Biblia

²² Inkorit nen propita Isaias a lakin anak nen Amoz iray arum a ginagawa nen Ari Uzias legan na impanoley to.

2 Saray Awaran 26:22 Referans Kwoze

Isaias 1:1

Diad sayan libro nisulat iray impasingayew na Dios ed kinen Isaias a lakin anak nen Amoz legan na impanari ed Juda di Uzias, Jotam, Acaz, tan Ezekias.

Isaias 6:1

Diad samay taon ya inatey si Ari Uzias anengneng koy Katawan. Manyodyorung ed trono ton atagey tan mapagalang, tan nilaknaban na kawes to so intiron Timplo.

2 Saray Awaran 12:15

Saray ginagawa nen Roboam manlapud gapo ya anggad kasamputan tan say listaan na pamilya to et nikorit ed Say Awaran nen Propita Semaya tan Say Awaran nen Propita Iddo. Legan na impanoley di Roboam tan Jeroboam naynay so impanbabakal da.

2 Saray Awaran 9:29

Say arum nin kabyangan na impanbilay nen Solomon manlapud gapo ya anggad kasamputan et nikorit ira ed Say Awaran nen Propita Natan, diad Say Propisiya nen Ahias a taga Silo, tan diad Saray Pasingayew nen Propita Iddo. Diad saraya nikorit met so nipaakar ed impanoley na lakin anak nen Nebat a si Ari Jeroboam na Israel.

2 Saray Awaran 26:23

Inatey si Uzias tan nipompon ed alog a panangipomponan ed saray arari; ag nipompon ed saray pantion na arari lapud samay sakit to. Si Jotam a lakin anak to so sinmalat ed sikaton nanari.

2 Saray Arari 19:2

Imbaki tod kinen propita Isaias a lakin anak nen Amoz ira di Eliakim a makaoley ed palasio, Sebna a sikritario na palasio, tan saray mamatakken a papari. Akakawes met iray sako.

2 Saray Awaran 25:26

Nikorit ed Say Awaran da ray Arari ed Juda tan Israel ya amin iray arum a ginagawa nen Amasias manlapud inggapo na impanoley to ya anggad samput.

2 Saray Awaran 32:32

Saray arum a ginagawa nen Ari Ezekias tan say panangaro tod Katawan, et nikorit ira ed Say Pasingayew ed kinen Propita Isaias a Lakin Anak nen Amoz tan diad Say Awaran da ray Ararid Juda tan Israel.