2 Saray Awaran 26:21 - Maung A Balita Biblia

²¹ Nanlapud saman ag la inmabig imay kating nen Uzias ya anggad ag to impatey. Lapud sikatoy aliwan malinis onung ed ganggan, ag lan balut akaloob ed Timplo, no ag ta nanayam la ed nibiig ya abung. Nakal ed sikatoy amin a kimey na ari tan si Jotam a lakin anak to so nanoley ed bansa.

Maung a Balita Biblia

²¹ Nanlapud saman ag la inmabig imay kating nen Uzias ya anggad ag to impatey. Lapud sikatoy aliwan malinis onung ed ganggan, ag lan balut akaloob ed Timplo, no ag ta nanayam la ed nibiig ya abung. Nakal ed sikatoy amin a kimey na ari tan si Jotam a lakin anak to so nanoley ed bansa.

2 Saray Awaran 26:21 Referans Kwoze

Levitico 13:46

Mansiansian marotak legan a walay sakit to, tan nepeg a manayam ya arawid saray totoo, diad paway na kampo.

2 Saray Arari 7:3

Walay apatiran lalakin akating a wala rad paway na saray puirta na siudad, tan kuandad sakey tan sakey, “Akin et manalagar tayo dia ya anggad ag tayo ipatey?

Saray Bilang 12:15

Pitoy agew a nanayam ed paway na kampo si Miriam, et saray totoo ag da inyalis so kampo ra ya anggad nipawil ed dalem na kampo.

Levitico 14:8

Samay too ipesak toy kawes to, poklisan toy olo to, tan manames; diad onya magmaliw a malinis onung ed ganggan. Nayarian toy onloob ed kampo balet ta manayam ni na pitoy agew ed paway na tulda to.

2 Saray Awaran 26:20

Ataktakot si Azarias tan saramay arum a papari diad impakanengneng dad muling na ari. Insan da pinasoot a taynan to so Timplo. Nangganat a pinmaway, lapud dinusa na Katawan.

Saray Bilang 5:4

Tinmoluk iray Israelita ed imbagay Katawan kanyan pinapaway da rad kampo.

2 Saray Awaran 27:1

Nagmaliw ya ari si Jotam nen mantaon na duamplo tan lima, tan nanoley ed Jerusalem na labinanem taon. Si Jerusa ya anak nen Zadoc so ina to.