2 Saray Awaran 26:15 - Maung A Balita Biblia

¹⁵ Diad Jerusalem, saray marunong a kumikimey to et nanggawa ra na saray kagawaan a pangibansut na saray ankakabaleg a bato tan pana, manlapud saray tori tan saray sokung na padir na siudad. Kinmayat ed anggan iner a pasen so inkabantug nen Uzias, tan mapalaloy pakayari to lapud saray nidoma-doman tulong a nanaawat tod Dios.

Maung a Balita Biblia

¹⁵ Diad Jerusalem, saray marunong a kumikimey to et nanggawa ra na saray kagawaan a pangibansut na saray ankakabaleg a bato tan pana, manlapud saray tori tan saray sokung na padir na siudad. Kinmayat ed anggan iner a pasen so inkabantug nen Uzias, tan mapalaloy pakayari to lapud saray nidoma-doman tulong a nanaawat tod Dios.

2 Saray Awaran 26:15 Referans Kwoze

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

2 Saray Awaran 2:14

Kabyangan na tribu nen Dan so ina to, tan taga Tiro so ama to. Marunong a mankimey ed balituk, pilak, gansa, balatyang, bato, tan tabla. Nayarian toy mankimey ed asul, purpura, tan ambalangan abel, a pati linen. Nayarian ton gawaen ya amiy panagtatak tan natombuk toy antokaman a paitatak ed sikato. Pankimey mo a kaiba to ray marunong a kumikimey mo tan saray impankikimey nen amam ya Ari David.

2 Saray Awaran 2:7

Mangibaki ka pa dia sirin na sakey a lakin marunong a mantatak tan mankimey ed balituk, pilak, gansa, tan balatyang, tan marunong met a manggaway asul, purpura, tan ambalangan abel. Mankimey a kaiba to ray marunong a kumikimey a taga Juda tan Jerusalem a pinili ra nen saman nen amak a David.

Exodo 31:4

nayarian toy mamplano na balibalin kimey tan nagawa to ra ed balituk, pilak, tan gansa;

2 Saray Awaran 26:14

Initdan nen Uzias ira yan sondalo na saray samper, pika, hilmit, kawes a para bakal, pana, tan saray baton para bansut.

2 Saray Awaran 26:16

Balet nagmaliw a mapaatagey si Ari Uzias nen pinmalaloy pakayari to; sikato yay makasengeg na inkaderal to. Nileglemew to so Katawan a Dios to nen linmad Timplo a nampool na insinso ed tapew na altar a panagpoolay insinso.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Habacuc 1:5

Insan say Katawan kuantod saray totoo to, “Imano yo lawas iray bansad kaliber-liber yo, et onkelaw kayod nanengneng yo. Manggawa ak na sakey a bengatlan ag yo sisiaen no narengelan yo.

Deuteronomio 20:20

Nayarin batangen yo ray kiew ya ag naakay bunga ra tan ikana yo rad iloob yod siudad anggad pakadakep yo.