2 Saray Awaran 26:10 - Maung A Balita Biblia

¹⁰ Nampapaalagey met na saray aliber na padir a tori diad kaalogan, tan nampapakotkot na amayamay a bobun, lapud amayamay iray ayayep to ed saray alusadsar tan saray patar ed bokig. Lapud maliket ed panagtanaman, tinanggoyur to ray totoon mantanem ira na ubas tan saray arum nin tanaman diad saray kapokdulan tan diad saray mataban dalin.

Maung a Balita Biblia

¹⁰ Nampapaalagey met na saray aliber na padir a tori diad kaalogan, tan nampapakotkot na amayamay a bobun, lapud amayamay iray ayayep to ed saray alusadsar tan saray patar ed bokig. Lapud maliket ed panagtanaman, tinanggoyur to ray totoon mantanem ira na ubas tan saray arum nin tanaman diad saray kapokdulan tan diad saray mataban dalin.

2 Saray Awaran 26:10 Referans Kwoze

Isaias 29:17

Onung na ibabaga ra, ag mabayag magmaliw a daralusan so makdel a takel, tan magmaliw a takel so daralusan.

2 Saray Arari 19:23

Angibaki kad siak na saray totoom a mampasirayew a lapud saray amayamay a karwahim dinakep mo ray sankaatageyan a palandey, anggan say toktok na Palandey na Libano. Impasirayew mod siak a nambabatang kad man na saray sankatageyan a kiew a sidro tan saray sankaabigan a kiew a saleng tan asorub mo ray sankaoteotelan na saray takel.

2 Saray Arari 3:4

Amayamay so karniro nen Ari Mesa na Moab, tan tinaon a mangiiter ed ari na Israel na buis ton sanlasus libon kordiro, tan say bago na sanlasus libon karniro.

Deuteronomio 3:10

Inala tayo ray amin a dalin a sakop nen Ari Og na Basan: saray siudad ed niatagey a patar, saray dalin ed Galaad tan Basan, ya anggad saray baley na Saleca tan Edrei diad bokig.” (

2 Saray Awaran 26:11

Amayamay iray sondalo ton akaparaan a mibakal. Di Jeiel tan Maasias so makaoley ed saray isusulat a nipaakar ed saray sondalo, diad panangiwanwan nen Ananias ya opisyal na ari.

Josue 15:55

Siudad da met ni ray onggendan: Maon, Carmelo, Zif, Juta,

1 Samuel 15:12

Kabkabwasan ed ontombuk ya agew linman anapen toy Saul. Nadngelan ton linmad baley na Carmel si Saul, a dimay nanggawaan toy monuminto to, insan tinmuloy ed Gilgal.

2 Saray Awaran 17:12

Kanyan pinmalalo lan pinmalalo so pakayari nen Josafat. Diad intiron Juda nampapaalagey na saray ankakabaleg a tirinsira tan saray siudad

2 Saray Awaran 17:13

a panangisempenan na saray amayamay ya abasto. Angipasen ed Jerusalem si Josafat na saray matalonan opisyal.

2 Saray Awaran 32:29

Likud nid saraya, say Dios initdan to na saray karniro tan saray baka tan ontan lan karakel na arum nin kayamanan, kanyan angipaalagey na amayamay a siudad.

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.