2 Saray Awaran 24:6 - Maung A Balita Biblia

⁶ Impatawag to sirin si Joiada a pangulo ra, tan tinepet to, “Akin et ag mo ni impakolikta ed saray Levita so buis da ray taga Juda tan Jerusalem, a si Moises ya aripen na Katawan et ingganggan tod saray totoo a bayaran da para Tuldan Ayamay Katawan?” (

Maung a Balita Biblia

⁶ Impatawag to sirin si Joiada a pangulo ra, tan tinepet to, Akin et ag mo ni impakolikta ed saray Levita so buis da ray taga Juda tan Jerusalem, a si Moises ya aripen na Katawan et ingganggan tod saray totoo a bayaran da para Tuldan Ayamay Katawan? (

2 Saray Awaran 24:6 Referans Kwoze

Saray Bilang 1:50

Ipasen mo ingen a makaoley iray Levita ed Tuldan Ayaman ko tan amin a kagawaan to. Sikaray manawit na Tulda tan amin a kagawaan to, asikasoen da, tan ipasen day kampo ra ed kaliber-liber to.

Saray Gawgawa 7:44

“Walad saray lalaki tayo so Tulda na Sipanan diad kalawakan. Ginawa ra yan tulda, onung na imbagay Dios ed kinen Moises tan onung ed pangaligan a nipanengneng ed sikato.

2 Samuel 24:3

Balet inmebat si Joab ed ari, “Kagalang kon Ari, say Katawan a Dios mo et parakelen to komun a maminlasus so totoo to, andokey ni komuy bilay mo, pian nanengneng moy panggawa tod saya. Balet akin et pabibilang mo ray totoo?”

Saray Bilang 18:2

Alam a katulongan mo iray kakanayon mon kabyangay tribu nen Levi, no sika tan saray anak mo et manlingkur ed dalem na Tulda.

2 Saray Awaran 24:9

Impaibaga rad intiron Jerusalem tan Juda a balang sakey et nepeg ya iyakar tod Katawan imay buis ya ononan kinoliktad kalawakan nen Moises ya aripen na Dios.