2 Saray Awaran 23:13 - Maung A Balita Biblia

¹³ Anengneng tod man so balon ari a walad lolooban na Timplo; manalalagey ed abay na lusek a niganan para saray arari tan aliber na saray opisyal na sondalo tan saray managtrumpita. Malikeliket a maneeyagan iray amin a totoo tan papaknulen da ray trumpita. Saray tumutogtog tan saray kumakanta ed Timplo so mangipapangulo ed sayan nagagawa, tan ikakana da ray kagawaan da ed musika. Diad inkagunigon to ginebyas toy kawes to tan ineyag to, “Sumlang ya ed pakaoley! Sumlang ya ed pakaoley!”

Maung a Balita Biblia

¹³ Anengneng tod man so balon ari a walad lolooban na Timplo; manalalagey ed abay na lusek a niganan para saray arari tan aliber na saray opisyal na sondalo tan saray managtrumpita. Malikeliket a maneeyagan iray amin a totoo tan papaknulen da ray trumpita. Saray tumutogtog tan saray kumakanta ed Timplo so mangipapangulo ed sayan nagagawa, tan ikakana da ray kagawaan da ed musika. Diad inkagunigon to ginebyas toy kawes to tan ineyag to, Sumlang ya ed pakaoley! Sumlang ya ed pakaoley!

2 Saray Awaran 23:13 Referans Kwoze

Ecclesiastes 9:12

Say sakey a too ag to kabat no kapigan so isabi na oras to. Saray totoo napatitan ira no panaon na maoges ya ag da iilaluan, tan singa ra saray manok a biglan narel ed patit, odino saray sira a narel ed iket.

Probirbio 29:2

Ipanengneng mod siak so matonung a manoley, et ipanengneng kod sika iray totoon maliket. Ipanengneng mod siak so maoges a manoley, et ipanengneng kod sika iray totoon pangaskasiyay kipapasen da.

Probirbio 11:10

Maliket so siudad no saray totoon matonung et maaligwas ira, tan no ompatey iray totoon maoges wala ray eyag na liket.

Saray Salmo 14:5

Balet ontan lay kataktakot da, ta pipilaan na Dios iray totoon matonung.

2 Saray Awaran 34:31

Nanalagey si Josias ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro.

1 Saray Awaran 15:27

Si David, saray tumutogtog tan saray kumakanta, si Kenanias a pangulo ra, tan saray Levitan manasakbat na Kaban na Sipanan et akasolung iran amin na sankaabigan a linen a tunika. Akasolung met si David na linen ya ipod.

1 Saray Awaran 15:24

Saray paparin di Sebanias, Josafat, Natanael, Amasias, Zacarias, Benaya, tan Eliezer et apili ran mamaknul na trumpita ed arap na Kaban na Sipanan. Di Obed-edom tan Jehias et apili met iran guardia na Kaban na Sipanan.

1 Saray Awaran 12:40

Manlapud saray ararawin pasen a singa kawalaan da ray tribu di Isacar, Zabulon, tan Neftali, saray totoo et sinmabi ran kaiba da ray asno, kamilyo, mula, tan baka a sankaawit da ray arina, igos, pasas, alak, tan larak na oliba. Nanaawit met ira na saray baka tan saray karniron pateyen tan siraen. Amin da ra ya et angipatnag na liket na intiron bansa.

2 Saray Arari 23:3

Nanalagey ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro. Insipan met na amin a totoo a sumpalen da so sipanan.

2 Saray Arari 9:23

“Sumlang ya ed pakaoley!” eyag nen Joram legan ton pinapoliktar so karwahi to, ta ombatik.

2 Saray Arari 9:13

Saramay kapara nen Jehu ya opisyal inyaplag dan tampol ed tagey na saray balitang iray kolibemben da, ta toonan nen Jehu, pinaknul da ray trumpita insan da ineyag, “Ari si Jehu!”

Saray Huis 7:8

Kanyan pinasempet nen Gedeon ya amin iray Israelita, likud ed saramay talon lasus a sikaray angala na amin ya abasto tan saray trumpita. Walad leksab da so kampo da ray Madianita diad patar.

2 Saray Arari 11:14

Anengneng tod man so balon ari a manalalagey ed abay na lusek ed lolooban na Timplo, onung na naogaliyan. Aliber na saray opisyal tan saray managtrumpita so ari, tan malikeliket a maneeyag tan mampapaknul na trumpita iray totoo. Diad inkagunigon to ginebyas toy kawes to tan ineyag to, “Sumlang ya ed pakaoley! Sumlang ya ed pakaoley!”

2 Saray Awaran 23:12

Nadngel nen Atalia so paneeyagan na saray totoo a pangidayew dad ari, kanyan nangganat a linmad Timplo a dimay nantitiponan na saray totoo.

2 Saray Awaran 23:14

Ag labay nen Joiada a napatey ed solar na Timplo si Atalia, kanyan ingganggan tod saray opisyal na sondalo, “Ipaway yod dalan ed leet na saray dasig da ray sondalo, tan patey yoy siopaman a mangyagel ed sikato.”

Ezekiel 46:2

Say manoley a prinsipi onlan manlapud patiod paway diad iloob tod baleg a kuarto diad kawalaan na dalan na puirta tan manalagey ed abay na saray lusak na puirta legan ya isasaklang na saray papari iray bagat a popoolan tan saray bagat ton para kareenan. Diman ed puirta, nepeg a mangigalang ed Dios, insan la ompaway. Ag nepeg ya ikaput imay puirta ya anggad isabiy labi.