2 Saray Awaran 23:11 - Maung A Balita Biblia

¹¹ Insan impaway nen Joiada si Joas, kinoronaan to tan inter tod sikato so kupia na ganggan na nipaakar ed panari. Kanyan nagmaliw ya ari si Joas. Si Joiada a pari tan saray lalakin anak to nilanaan day Joas, insan inmeyag so balang sakey, “Andokey komuy pambilay na ari!”

Maung a Balita Biblia

¹¹ Insan impaway nen Joiada si Joas, kinoronaan to tan inter tod sikato so kupia na ganggan na nipaakar ed panari. Kanyan nagmaliw ya ari si Joas. Si Joiada a pari tan saray lalakin anak to nilanaan day Joas, insan inmeyag so balang sakey, Andokey komuy pambilay na ari!

2 Saray Awaran 23:11 Referans Kwoze

1 Samuel 10:24

Inkuanen Samuel ed saray totoo, “Nia so toon pinili na Katawan! Anggapoy mipara ed sikato.” Inmeyag iray amin a totoo, “Andokey komuy bilay na ari!”

Exodo 25:16

Insan mo ikargad dalem na Kaban iray duaran baton tapyak ya akaitatakan na saray ganggan.

2 Saray Arari 11:12

Insan impaway nen Joiada si Joas, kinoronaan to tan inter tod sikato ray ganggan a nipaakar ed panari. Alanaan tan nibawag a manari si Joas. Nantitipak iray totoo tan ineeyag da, “Andokey komun so bilay na ari!”

Puyan 19:12

Singa manliub ya apoy iray mata to, tan amayamay iray koronad olo to. Akasulat ed laman to so ngaran to, balet sikato labat so makaamta na kabaliksan to.

Puyan 5:10

Ginawam iran sakey a panarian tan impagmaliw mo ran papari a manlingkur ed Dios tayo; tan manari rad tapew na dalin.”

Puyan 4:10

saramay duamplo tan apat a mamatakken ondadakmomo rad samay akayorung ed trono, tan igagalang da may mabilay ya anggad angga. Ibobontuk dad arap na trono iray korona ra, tan kuanda:

Puyan 4:4

Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

Saray Hebreo 2:9

Balet nanenengneng tayoy Jesus! Diad aganon panaon apaabeba nen saray anghil, pian diad panamegley na baleg a panangaroy Dios, nepeg ya ompatey para amin a katoowan. Nanenengneng tayo ya akoronaan natan na kagalangan tan dayew lapud asagmak ton kairapan ed impatey to.

Mateo 21:9

Ineeyag na saray totoon walad onaan tan saray walad onur nen Jesus, “Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!”

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Isaias 8:16

Sikayo ran disipulok, nepeg a bantayan tan pansiansiaen yo ray salitan inter na Dios ed siak.

Saray Salmo 132:18

Tabunan ko na kababaingan iray kalaban to, balet onaligwas so nanarian to.”

Saray Salmo 89:39

Ag mo tinoor so impisipanan mod aripen mo, tan imbantak mod dabuk so korona.

Saray Salmo 89:20

Ginawak ya ari si aripen kon David diad panamegley na impanlanak ed sikato na masanton larak.

Saray Salmo 78:5

Angiter na saray ganggan ed saray totood Israel, tan diad saray kabyangay boleg nen Jacob. Binilin to ray lalaki tayo ya ibangat dad saray anak da iray ganggan to,

Saray Salmo 21:3

Dinagom ya awit moy nidomadoma ran bindision tan kinoronaan mo na puron balituk.

2 Saray Awaran 22:11

Balet nibatik nen Josaba so sakey a lakin anak nen Ahazia a si Joas a pateyen da met lawari, a pati saray arum ya agagi to. Inyamut to ed sakey a kuarto ed Timplo tan impaibaan to ed sakey a managasikaso. Diad impangyamut tod sikato, inyagel tod patey si Joas ed lima nen Atalia. Si Josaba et biin agid ama nen Ahazia, ta saksakey so ama ra a si Ari Jehoram. Say asawa to et si Joiada a sakey a pari.

1 Saray Arari 1:39

Inala nen Sadoc so pananginan na larak na oliban inala tod Tuldan Ayamay Katawan, insan to nilanaay Solomon. Pinaknul day trumpita, tan ineyag na amin a totoo, “Andokey komun so bilay nen Ari Solomon!”

1 Saray Arari 1:34

Sikayon dua, Sadoc tan Natan, so manlana ed kinen Solomon a manari ed Israel. Insan yo paknulen so trumpita tan iyeyag yo, ‘Andokey komun so bilay nen Ari Solomon!’

2 Samuel 16:16

Nen si Cusai ya Arkita tan kaaro nen David et nabet toy Absalom, ineyag to, “Andokey komun so bilay na ari! Andokey komun so bilay na ari!”

2 Samuel 5:3

Kanyan amin a panguloy Israel linma rad kinen Ari David diad Hebron. Diad arap na Katawan akisipanan ed sikara, nilanaan da et nagmaliw ya ari na Israel.

2 Samuel 1:10

Kanyan dinagok tan pinatey ko, ta amtak ya ompatey met lamlamang diad katumba to. Insan ko inalay koronad olo to tan say pulsira ed taklay to tan inawit ko diad sika, katawan ko.”

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

Exodo 31:18

Nen asumpal na Dios so akisalita ed kinen Moises diad tagey na Palandey na Sinai, inter tod kinen Moises so duaran tapyak a bato ya angitatakan na dilin Dios na saray ganggan.

Exodo 25:21

Ikargam ed dalem na Kaban iray duaran tapyak a bato tan iyan moy sakub ed tapew to.

2 Saray Awaran 23:10

Impasen to ray totoo a mangguardia rad kaliber-liber na arap na Timplo, ta iyagel day ari; akaoyus so ispada ran mangguardia.

2 Saray Awaran 23:12

Nadngel nen Atalia so paneeyagan na saray totoo a pangidayew dad ari, kanyan nangganat a linmad Timplo a dimay nantitiponan na saray totoo.

1 Saray Arari 1:25

Diad sayan agew, linman angibagat si Adonias na amayamay a baka, karniro, tan pinataban kilaw na baka, tan binagaan to ray lalakin anak mo, si Joab a pangulo na saray sondalom tan si Abiatar a pari. Diad sayan bekta, kaiba ran manaakan tan maniinom tan iyeeyag na saray kakaiba to, ‘Andokey komun so bilay nen Ari Adonias!’